போர் நிதிக்காக ஆபாசப் பட தளங்களுக்கு உக்ரைன் பச்சைக்கொடி: 30,000 டிரோன்களை வாங்கத் திட்டம்

ரஷ்யாவுடனான போரை எதிர்கொண்டு வரும் உக்ரைன், போருக்கான நிதி திரட்டும் நோக்கில் புதிய வியூகத்தை கையில் எடுத்துள்ளது. இதன் ஒரு பகுதியாக, ஆபாசப் பட தளங்களில் உள்ளடக்கங்களை உருவாக்குவதற்கு அந்நாட்டு அரசு அனுமதி அளிக்க திட்டமிட்டுள்ளது. சட்டப்பூர்வமாக அறிவிக்கப்படவுள்ள இந்த முயற்சி மூலம் கிடைக்கும் வருவாயை வைத்து, போருக்குத் தேவையான ஆயுதங்களை வாங்க உக்ரைன் முடிவு செய்துள்ளது.

இந்தத் திட்டத்தின் முக்கிய நோக்கம், உக்ரைன் ராணுவத்திற்குத் தேவையான 30,000 டிரோன்களை கொள்முதல் செய்வதாகும். ஏற்கனவே 2023-ஆம் ஆண்டின் புள்ளிவிவரங்களின்படி, உக்ரைனைச் சேர்ந்த சுமார் 7,900 படைப்பாளிகள் இத்தகைய தளங்களின் மூலம் 131 மில்லியன் டாலருக்கும் அதிகமான வருமானத்தை ஈட்டியுள்ளனர் என்பது குறிப்பிடத்தக்கது. இந்த வருவாயை அரசின் போர்க்காலத் தேவைகளுக்காகப் பயன்படுத்தவே இந்த அதிரடி நடவடிக்கை எடுக்கப்பட்டுள்ளதாகக் கூறப்படுகிறது.