ஆவணி அவிட்ட நாளில் ஏன் பூணூல் மாற்றுவது ஏன்? மயிலாடுதுறையில் நடந்த ஆன்மீக சடங்கின் ரகசியம் இதுதான்..

<p style="text-align: justify;"><strong>மயிலாடுதுறை: </strong>ஆன்மீகச் சிறப்பு மிக்க ஆவணி அவிட்டத்தை முன்னிட்டு மயிலாடுதுறையில் உள்ள புகழ்பெற்ற காவிரி துலாகட்டத்தில் ஏராளமானோர் புனித நீராடி, வைதீக முறைப்படி புதிய பூணூல் அணிந்து தங்கள் முன்னோர்களுக்குத் தர்ப்பணம் அளித்தனர்.</p> <h3 style="text-align: justify;">ஆவணி அவிட்டமும் உபாகர்மா முக்கியத்துவமும்</h3> <p style="text-align: justify;">இந்து சமயத்தில் ஆண்கள் மட்டுமே முதன்மையாகக் கடைப்பிடிக்கும் விரதங்களில் ஆவணி அவிட்டம் மிகவும் சிறப்பு வாய்ந்ததாகும். ஆவணி மாத பௌர்ணமியை அடுத்து வரும் அவிட்ட நட்சத்திர தினத்தில் பிராமணர்கள் மற்றும் குறிப்பிட்ட சில சமூகங்களைச் சேர்ந்த ஆண்கள் இந்நாளை பக்தி சிரத்தையுடன் அனுசரிக்கின்றனர். ரிக் மற்றும் யஜூர் வேதங்களைப் பயிலும் வேதியர்கள் இந்த நாளில் தங்கள் பழைய பூணூலை அகற்றி புதிய பூணூலை மாற்றிக் கொள்கின்றனர். </p> <p style="text-align: justify;">அதேபோல சாம வேதம் பயில்பவர்கள் விநாயகர் சதுர்த்தி திருநாளில் பூணூல் மாற்றும் வழக்கத்தைக் கொண்டுள்ளனர். சமஸ்கிருதத்தில் இந்நாள் 'உபாகர்மா' என்று அழைக்கப்படுகிறது. 'உபாகர்மா' என்பதற்கு 'தொடக்கம்' என்று பொருள். அதாவது, தங்களின் வேதப் படிப்பைத் தொடங்குவதற்கும், புதிய அத்தியாயத்தை ஆரம்பிப்பதற்கும் இந்நாள் முதன்மை நாளாகக் கருதப்படுகிறது. இந்த உபாகர்மா சடங்கே தமிழில் ஆவணி அவிட்டம் என்று வழங்கப்படுகிறது. ஆவணி அவிட்ட நாளில் முறைப்படி விரதமிருந்து பூணூல் அணிந்து கொள்வதால் குடும்பத்தில் எந்தவிதமான துன்பங்களும் நெருங்காது என்பதும், ஆன்மீக பலம் அதிகரிக்கும் என்பதும் தொன்றுதொட்டு வரும் நம்பிக்கையாகும்.</p> <h3 style="text-align: justify;">ஹயக்ரீவர் ஜெயந்தி புராணம்</h3> <p style="text-align: justify;">ஆவணி அவிட்ட நாளுக்குப் பின்னணியில் சுவாரஸ்யமான புராண வரலாறு ஒன்று உள்ளது. பெருமாளின் அவதாரங்களில் முதன்மையான ஹயக்ரீவர் அவதாரம் நிகழ்ந்த நாளாகவும் இது போற்றப்படுகிறது. அசுரர்களால் திருடிச் செல்லப்பட்ட புனித வேதங்களை மீட்டு வந்த ஹயக்ரீவர், அவற்றை மீண்டும் புனிதப்படுத்தி உலகுக்கு அளித்த நாளாக இந்நாள் புராணங்களில் குறிப்பிடப்படுகிறது. வேதங்கள் மீண்டும் உலகிற்கு வழக்கப்பட்டதன் நினைவாகவே இந்த பூணூல் மாற்றும் சடங்கும், வேதங்கள் பயிலும் புதிய தொடக்கமும் ஏற்பட்டது. எனவேதான் இந்நாள் 'ஹயக்ரீவ ஜெயந்தி' என்றும் மிகச் சிறப்பாகக் கொண்டாடப்பட்டு வருகிறது.</p> <h3 style="text-align: justify;">மயிலாடுதுறையில் பூணூல் மாற்றும் வைபவம்</h3> <p style="text-align: justify;">இத்தகைய சிறப்புமிக்க ஆவணி அவிட்டம் ஆகஸ்ட் 37-ஆம் தேதியான இன்று மயிலாடுதுறையில் வெகுவிமர்சையாகக் கடைப்பிடிக்கப்பட்டது. மயிலாடுதுறை காவிரி துலாகட்டத்தில் அதிகாலை முதலே ஏராளமானோர் திரண்டனர். காவிரி ஆற்றில் புனித நீராடிய பக்தர்கள், கரைப்பகுதியில் அமைக்கப்பட்டிருந்த யாகசாலைகள் மற்றும் ஆன்மீக மையங்களில் அமர்ந்து தங்களது பூணூல் மாற்றும் சடங்குகளைத் தொடங்கினர்.</p> <p style="text-align: justify;">வேதியர்கள் மந்திரங்கள் ஓத, வேத பாராயணம் செய்யும்போது த அறியாமல் ஏற்படும் சொல் குற்றங்கள் மற்றும் பொருள் குற்றங்களை நீக்கி ஆன்மாவைத் தூய்மைப்படுத்தும் சடங்குகள் நடத்தப்பட்டன. பழைய பூணூல்களை அகற்றிவிட்டு, புரோகிதர்களின் வழிகாட்டுதலின்படி காயத்ரி மந்திரத்தை உச்சரித்து புதிய பூணூல்களை அணிந்து கொண்டனர். தொடர்ந்து தங்கள் முன்னோர்களின் ஆன்மா சாந்தியடையக் கோரி காவிரிக் கரையில் பித்ரு தர்ப்பணமும் கொடுத்தனர்.</p> <h3 style="text-align: justify;">வன்னிய குல க்ஷத்ரியர்கள் பூணூல் அணிதல்</h3> <p style="text-align: justify;">இந்த பூணூல் அணியும் வைபவத்தில் பிராமணர்கள் மட்டுமின்றி, பாரம்பரியமாக பூணூல் அணியும் பழக்கம் கொண்ட வன்னிய குல க்ஷத்ரிய சமூகத்தைச் சேர்ந்த 25-க்கும் மேற்பட்டோர் மயிலாடுதுறை காவிரி துலாகட்டத்தில் ஒன்றுகூடினர். அவர்களும் வைதீக முறைப்படி மந்திரங்கள் முழங்க, காவிரி கரையில் புதிய பூணூலை அணிந்து கொண்டு காயத்ரி ஜபம் செய்து சிறப்பு வழிபாடுகளில் ஈடுபட்டனர்.</p> <p style="text-align: justify;">மயிலாடுதுறை மட்டுமின்றி சுற்றியுள்ள பல்வேறு கிராமப் பகுதிகளிலும் உள்ள ஆலயங்கள் மற்றும் குளக்கரைகளில் இன்று காலை முதலே ஆவணி அவிட்டச் சடங்குகள் மிகச் சிறப்பாக நடைபெற்றன. இதனால் மயிலாடுதுறை காவிரி துலாகட்டப் பகுதி முழுவதும் ஆன்மீக அதிர்வுகளுடனும் பக்தர்கள் கூட்டத்து டனும் விழாக்கோலம் பூண்டிருந்தது.</p>