ஒன்றிய அரசு தமிழ்நாட்டில் அனைத்து மாவட்டங்களுக்கும் வழங்கியுள்ளது தடய அறிவியல் துறைக்கு 47 அதிநவீன வசதிகளுடன் நடமாடும் புதிய ஆய்வக வாகனங்கள்

தமிழ்நாட்டில் உள்ள அனைத்து மாவட்டங்களிலும் உள்ள தடய அறிவியல் துறைக்காக, 47 அதிநவீன வசதிகளுடன் கூடிய புதிய நடமாடும் ஆய்வக வாகனங்களை ஒன்றிய அரசு வழங்கியுள்ளது. இந்த வாகனங்களை பதிவு செய்யும் பணிகள் தற்போது வட்டாரப் போக்குவரத்து அலுவலகத்தில் தீவிரமாக நடைபெற்று வருகின்றன.

பதிவு பணிகள் நிறைவடைந்தவுடன், இந்த வாகனங்கள் மாவட்ட காவல் கண்காணிப்பாளர்கள் மூலம் விரைவில் பயன்பாட்டிற்கு கொண்டு வரப்பட உள்ளன. குற்ற வழக்குகளில் ஆதாரங்களைச் சேகரிக்கும் பணியை விரைவுபடுத்த இந்த நடமாடும் ஆய்வகங்கள் பெரிதும் உதவும்.