பெங்களூரில் ரூ.50 லட்சம் சம்பளம் வாங்கினாலும் நீங்கள் பணக்காரராகி விட முடியாது.. ஐடி ஊழியர் வீடியோ

பெங்களூருவில் ஐடி துறையில் பணிபுரிபவர்களுக்கு அதிக சம்பளம் வழங்கப்பட்டாலும், ஆண்டுக்கு ரூ.50 லட்சம் சம்பளம் பெறுபவர்களால் கூட பெரிய அளவில் பணத்தைச் சேமிக்க முடிவதில்லை என்று ஐடி ஊழியர் ஒருவர் தெரிவித்துள்ளார். இது குறித்து அவர் வெளியிட்டுள்ள வீடியோ சமூக வலைதளங்களில் கவனம் பெற்றுள்ளது.

வீட்டு வாடகை, அன்றாட வாழ்க்கைச் செலவுகள், கார் பராமரிப்பு மற்றும் சொத்துகளின் விலை உயர்வு என பல்வேறு செலவுகளுக்காக ஒரு ஐடி ஊழியரின் மாத வருமானத்தில் பெரும் பகுதி செலவாகிவிடுவதாக அவர் குறிப்பிட்டுள்ளார். இதனால் அதிக சம்பளம் வாங்கினாலும், பெங்களூரில் பணக்காரராக மாறுவது சவாலான விஷயமாக இருப்பதாக அவர் கூறியுள்ளார்.