Kia Seltos: இந்தியா Vs சீனா எடிஷன் - எந்த கியா செல்டோஸ் பெஸ்ட்? எஸ்யுவியில் உள்ள வித்தியாசங்கள் என்ன?

<p><strong>Kia Seltos SUV: </strong>கியா செல்டோஸ் எஸ்யுவியின் இந்தியா மற்றும் சீனா எடிஷன்களிடையே உள்ள வித்தியாசங்கள் கீழே பட்டியலிடப்பட்டுள்ளன.</p> <h2><strong>கியா செல்டோஸ் - இந்தியா Vs சீனா</strong></h2> <p>கியாவின் புதிய தலைமுறை செல்டோஸ் தற்போது சீனாவிலும் விற்பனை செய்யப்பட்டுள்ளது. கடந்த ஜனவரி மாதத்தில் இதே புதிய தலைமுறை செல்டோஸ் மாடல் தான் இந்தியாவிலும் விற்பனைக்கு கொண்டு வரப்பட்டது. அதேநேஅம், சீனாவில் விற்பனை செய்யப்படும் கியா எடிஷனானது, இந்திய எடிஷனுடன் ஒப்பிடுகையில் மிகப்பெரிய அளவிலான வித்தியாசங்களை கொண்டுள்ளது. அது எப்படி? என பலருக்கும் கேள்வி எழலாம். அதுதொடர்பான விவரங்கள் கீழே பட்டியலிடப்பட்டுள்ளன.</p> <p><iframe class="vidfyVideo" style="border: 0px;" src="https://tamil.abplive.com/web-stories/agriculture/5-most-useful-machines-for-small-farmers-details-in-pics-270671" width="631" height="381" scrolling="no"></iframe></p> <h2><strong>செல்டோஸ் </strong><strong>அளவீடுகள் </strong><strong>- இந்தியா Vs சீனா எடிஷன்</strong></h2> <p>சீனாவிற்கான கியா செல்டோஸ் 4460 மிமீ நீளம், 1830 மிமீ அகலம், 1640 மிமீ உயரம் மற்றும் 2690 மிமீ வீல்பேஸ் அளவீடுகளை கொண்டுள்ளது. இந்தியாவிற்கான செல்டோஸ் எடிஷனும் இதே அளவுகளைக் கொண்டுள்ளது. ஆனால் பூட் ஸ்பேஸில் ஒரு முக்கிய வேறுபாடு உள்ளது. சீனாவில் செல்டோஸ் 483 லிட்டர் பூட் ஸ்பேஸை கொண்டுள்ள நிலையில், இந்திய மாடலில் 447 லிட்டர் பூட் ஸ்பேஸ் மட்டுமே உள்ளது. இந்திய மாடலில் ஸ்பேர் டயர் பொருத்தப்பட்டிருப்பதே இதற்குக் காரணமாக இருக்கலாம். ஆனால் சீனாவிற்கான மாடலில் அவ்வாறு இல்லாமல் இருக்கலாம்.</p> <p><iframe title="YouTube video player" src="https://www.youtube.com/embed/sTzCIco1fs8?si=IzTs535X64DeAtp-" width="560" height="315" frameborder="0" allowfullscreen="allowfullscreen"></iframe></p> <h2><strong>செல்டோஸ் அம்சங்கள் - இந்தியா Vs சீனா எடிஷன்</strong></h2> <p>செல்டோஸின் சிறப்பம்சங்களைப் பொறுத்தவரை, இந்திய மாடலைக் காட்டிலும் சீன மாடல் மிகவும் மேம்பட்ட அம்சங்களை கொண்டுள்ளது. அதன்படி, இன்ஃபோடெயின்மென்ட் மற்றும் பயணிகளின் பொழுதுபோக்குக்காக 27 இன்ச் மிக அகலமான டச்ஸ்க்ரீனும், ஓட்டுநருக்கென தனியாக 10 இன்ச் ஸ்க்ரீனும் இடம்பெற்றுள்ளன. இந்திய மாடலில் 'ட்ரினிட்டி ஸ்கிரீன்' இடம்பெற்றுள்ளது. ஆனால் பெயருக்கு ஏற்றார் போல் இன்றி இது ஓட்டுநருக்கான டிஸ்ப்ளே, இன்ஃபோடெயின்மென்ட் ஸ்கிரீன் மற்றும் ஏசி கட்டுப்பாடுகளுக்கான ஒரு சிறிய ஐந்து இன்ச் யூனிட் (கனெக்டட் செட்டப்பில் சேர்க்கப்பட்டுள்ளது) ஆகியவற்றைக் கொண்ட ஒரு இரட்டை ஸ்க்ரீன் அமைப்பை பெற்றுள்ளது. எனவே, சீனாவில் வழங்கப்படும் பயணிகள் திரை இந்திய மாடலில் இடம்பெறவில்லை. </p> <p>இதுமட்டுமின்றி, சீனாவில் விற்பனையில் உள்ள செல்டோஸ் காரில் பனோரமிக் சன்ரூஃப், வயர்லெஸ் சார்ஜிங், 100 kW டைப்-சி சார்ஜிங் போர்ட், பவர் அட்ஜஸ்ட் செய்யக்கூடிய ஓட்டுநர் இருக்கை, ஹீடட் மற்றும் காற்றோட்ட வசதியுள்ள முன் இருக்கைகள், ஹீடட் ஸ்டீயரிங் வீல் மற்றும் எட்டு ஸ்பீக்கர்கள் கொண்ட போஸ் சரவுண்ட்-சவுண்ட் சிஸ்டம் போன்ற அம்சங்கள் இடம்பெற்றுள்ளன. </p> <p><a title="Top Range Cars: டேங்க் ஃபுல் செய்தால் 1000KM ரேஞ்ச் கொடுக்கும் டாப் 5 கார் மாடல்கள் - விலை, மைலேஜ், ரேட்டிங்" href="https://tamil.abplive.com/auto/top-range-cars-with-full-tank-capacity-diesel-hybrid-edition-suv-sedan-price-safety-rating-automobile-news-270664" target="_self">இதையும் படியுங்கள்: Top Range Cars: டேங்க் ஃபுல் செய்தால் 1000KM ரேஞ்ச் கொடுக்கும் டாப் 5 கார் மாடல்கள் - விலை, மைலேஜ், ரேட்டிங்</a></p> <p>கியா செல்டோஸின் இந்திய எடிஷன் இதே அம்சங்களைக் கொண்டிருந்தாலும், ஹீட்டிங் வசதி (இந்திய தட்பவெப்ப நிலைக்கு இது அவசியமில்லை) மற்றும் 100 kW சார்ஜிங் ஆகியவை இல்லை. எனவே, அம்சங்களைப் பொறுத்தவரை, சீன எடிஷனில் கூடுதலாகக் கிடைக்கும் ஒரு சிறப்பம்சம் இரட்டை இன்ஃபோடெயின்மென்ட் யூனிட் ஆகும். பாதுகாப்பு அம்சங்களைப் பொறுத்தவரை, கியா செல்டோஸின் இரண்டு எடிஷன்களுமே லெவல்-2 ADAS அமைப்பை கொண்டுள்ளன.</p> <h2><strong>செல்டோஸ் பவர்ட்ரெயின் - இந்தியா Vs சீனா எடிஷன்</strong></h2> <p>சீனாவிற்கான செல்டோஸ், 1.5-லிட்டர் நேட்சுரலி ஆஸ்பிரேடட் பெட்ரோல் மற்றும் 1.5-லிட்டர் டர்போ பெட்ரோல் இன்ஜின் என இரண்டு பவர்டிரெய்ன் ஆப்ஷன்களுடன் வழங்கப்படுகிறது. இந்திய மாடலில் கூடுதலாக 1.5-லிட்டர் டீசல் இன்ஜினும் சேர்க்கப்பட்டுள்ளது. இருப்பினும், ஆற்றல் அளவுகளில் ஒரு பெரிய வித்தியாசம் உள்ளது. சீனாவில், 1.5-லிட்டர் டர்போ பெட்ரோல் இன்ஜின் 198 bhp மற்றும் 253 Nm ஆற்றலை வெளிப்படுத்துமாறு மேம்படுத்தப்பட்டுள்ளது. அதே சமயம் இந்தியாவில் அதே இன்ஜின் 158 bhp மற்றும் 253 Nm ஆற்றலை மட்டுமே வெளிப்படுத்துகிறது. டார்க் அளவுகள் ஒரே மாதிரியாக இருக்கலாம், ஆனால் ஹார்ஸ்பவரில் பின் தங்கியுள்ளது.</p>