தேசிய செவிலியர் ஆணையத்தை 2 மாதத்தில் அமைக்க மத்திய அரசுக்கு உயர் நீதிமன்றம் உத்தரவு

தேசிய செவிலியர் மற்றும் மகப்பேறு மருத்துவப் பணி ஆணையச் சட்டத்தை நடைமுறைப்படுத்தக் கோரி இந்திய தொழில்முறை செவிலியர் சங்கம் சார்பில் டெல்லி உயர் நீதிமன்றத்தில் மனு தாக்கல் செய்யப்பட்டது. 2023-ம் ஆண்டு நாடாளுமன்றத்தில் நிறைவேற்றப்பட்ட இந்தச் சட்டம், கடந்த பிப்ரவரி 29, 2024 அன்று மத்திய அரசால் நடைமுறைக்கு கொண்டு வரப்பட்டது.

இந்த மனுவை விசாரித்த உயர் நீதிமன்றம், தேசிய செவிலியர் ஆணையத்தை வரும் இரண்டு மாதங்களுக்குள் அமைக்குமாறு மத்திய அரசுக்கு உத்தரவிட்டுள்ளது.