மேகமலை ஆக்கிரமிப்புகளை அகற்றாவிட்டால் துணை ராணுவத்தை அனுப்ப வேண்டி வரும்! உச்ச நீதிமன்றம் எச்சரிக்கை

மேகமலையில் உள்ள ஆக்கிரமிப்புகளை உடனடியாக அகற்ற வேண்டும் என்று உச்ச நீதிமன்றம் அதிரடியாக உத்தரவிட்டுள்ளது. அவ்வாறு ஆக்கிரமிப்புகள் அகற்றப்படாவிட்டால், துணை ராணுவப் படையினரை அங்கு அனுப்ப நேரிடும் என நீதிமன்றம் கடும் எச்சரிக்கை விடுத்துள்ளது.

பாதுகாக்கப்பட்ட வனப்பகுதிக்குள் எக்காரணம் கொண்டும் யாருக்கும் பட்டா வழங்கக்கூடாது என்று நீதிமன்றம் அறிவுறுத்தியுள்ளது. மேலும், அங்குள்ள ஆக்கிரமிப்புகளுக்கான மின்சாரம் மற்றும் குடிநீர் இணைப்புகளை உடனடியாகத் துண்டிக்குமாறும் அதிகாரிகளுக்கு நீதிமன்றம் உத்தரவிட்டுள்ளது.