மெட்ரோவ முடிச்சிட்டு ரோட்டுல கை வைங்க! WFH தர்றது கஷ்டம்.. பெங்களூர் ORR ஐடி கம்பெனிகள் அடம்!

பெங்களூரின் வெளிவட்ட சாலையில் (ORR) சில்க் போர்டு முதல் கே.ஆர். புரம் வரையிலான பகுதியை கான்கிரீட் சாலையாக மாற்றும் 'ஒயிட் டாப்பிங்' பணிகளுக்கு அப்பகுதி ஐடி நிறுவனங்கள் கடும் எதிர்ப்பு தெரிவித்துள்ளன. இந்த சாலைப் பணிகளைத் தொடங்குவதற்கு முன்பாக, தற்போது நடைபெற்று வரும் மெட்ரோ பணிகளை முதலில் முடிக்க வேண்டும் என்று அந்நிறுவனங்கள் வலியுறுத்தியுள்ளன.

மேலும், இப்பணிகளால் போக்குவரத்து நெரிசல் ஏற்படும் என்பதால் ஊழியர்களுக்கு வீட்டிலிருந்து வேலை செய்யும் (WFH) வசதியை வழங்குவது கடினம் என்றும் ஐடி நிறுவனங்கள் கவலை தெரிவித்துள்ளன. மெட்ரோ பணிகள் முழுமையடையாமல் சாலைப் பணிகளைத் தொடங்கினால் அது பெரும் சிரமத்தை உருவாக்கும் என்பதே அந்நிறுவனங்களின் நிலைப்பாடாக உள்ளது.