தமிழகத்தில் 4,292 கோயில்களின் தணிக்கை அறிக்கைகள் இணையதளத்தில் வெளியீடு

தமிழகம் முழுவதும் உள்ள 4,292 கோயில்களின் வரவு-செலவு கணக்குகள் குறித்த தணிக்கை அறிக்கைகள், இந்து சமய அறநிலையத்துறையின் அதிகாரப்பூர்வ இணையதளத்தில் பதிவேற்றம் செய்யப்பட்டுள்ளதாகத் தெரிவிக்கப்பட்டுள்ளது. இந்தத் தகவலை அறநிலையத்துறை சென்னை உயர் நீதிமன்றத்தில் தாக்கல் செய்துள்ளது.

பல்வேறு கோயில்களின் நிதிநிலை அறிக்கைகளை பொதுமக்கள் எளிதில் பார்க்கும் வகையில், அவற்றை ஆன்லைனில் பதிவேற்றும் பணிகள் முன்னெடுக்கப்பட்டன. அந்தப் பணிகளின் தொடர்ச்சியாகவே தற்போது தணிக்கை அறிக்கைகள் இணையதளத்தில் பதிவேற்றப்பட்டு மக்களின் பார்வைக்குக் கொண்டு வரப்பட்டுள்ளன.