ஆவணி மாத கடைசி முகூர்த்தம்: பத்திரப்பதிவு அலுவலகங்களில் கூடுதல் டோக்கன்கள் ஒதுக்கீடு

ஆவணி மாதத்தின் கடைசி முகூர்த்த நாளான செப்டம்பர் 17-ஆம் தேதியான இன்று, பொதுமக்கள் பத்திரப்பதிவு செய்வதற்கு வசதியாக அனைத்து சார் பதிவாளர் அலுவலகங்களிலும் கூடுதல் டோக்கன்கள் ஒதுக்கீடு செய்யப்பட்டுள்ளன.

இந்த சிறப்பு ஏற்பாட்டின் மூலம், வழக்கத்தை விட கூடுதல் எண்ணிக்கையிலான மக்கள் பத்திரப்பதிவு செய்ய அனுமதிக்கப்படுவார்கள் என்று அதிகாரிகள் அறிவித்துள்ளனர். முகூர்த்த நாளை முன்னிட்டு பொதுமக்கள் பயன்பெறும் வகையில் இந்த கூடுதல் முன்பதிவு வசதி செய்யப்பட்டுள்ளது.