மத்திய அரசு ஊழியர்களுக்கு 8-வது ஊதியக் குழு: சென்னையில் முக்கிய ஆலோசனை கூட்டம்

இந்தியாவின் மத்திய அரசு ஊழியர்கள் மற்றும் ஓய்வூதியதாரர்கள் பெரிதும் எதிர்பார்த்துக்கொண்டிருக்கும் 8-வது ஊதியக் குழுவின் அமலாக்கம் குறித்த முக்கியமான ஆலோசனைக் கூட்டம் சென்னையில் செப்டம்பர் 7-ஆம் தேதி தொடங்கி இரண்டு நாட்கள் நடைபெற உள்ளது. இக்கூட்டத்தில் அரசு ஊழியர்கள், ஓய்வூதியம் பெறுவோர் மற்றும் பல்வேறு முக்கியப் பிரிவைச் சேர்ந்தவர்கள் பங்கேற்கின்றனர்.

இந்தக் கூட்டத்தின் மூலம் மத்திய அரசு ஊழியர்களின் சம்பளம் மற்றும் ஓய்வூதியத்தை உயர்த்துவது தொடர்பான முக்கிய முடிவுகள் எடுக்கப்படும் என்று எதிர்பார்க்கப்படுகிறது. ஊதியக் குழுவின் பரிந்துரைகளால் ஊழியர்களின் ஊதியம் கணிசமான அளவில் உயரும் என்ற எதிர்பார்ப்பு அரசு ஊழியர்களிடையே எழுந்துள்ளது.

ஊதிய உயர்வுக்கான ஃபிட்மென்ட் ஃபேக்டர் நேரடியாக வீட்டு வாடகைப்படியைத் தீர்மானிக்காது என்றாலும், அடிப்படை ஊதியத்தை இது உயர்த்தும் என்பதால், அதன் அடிப்படையில் கணக்கிடப்படும் வீட்டு வாடகைப்படியிலும் குறிப்பிடத்தக்க மாற்றங்கள் ஏற்பட வாய்ப்புள்ளதாகக் கூறப்படுகிறது.