வெப்பம் அதிகமாக இருப்பதால் கால்நடைகளை முறையாக பராமரிக்க அறிவுறுத்தல்: அதிக தண்ணீர், பசுந்தீவனம் நலம் தரும்

சிவகங்கையில் நிலவும் அதிகப்படியான வெப்பம் கால்நடைகளின் ஆரோக்கியத்திற்கு பெரும் சவாலாக மாறியுள்ளது. இதனால் கால்நடைகளைப் போதிய பாதுகாப்புடன் பராமரிக்குமாறு மாவட்ட நிர்வாகம் அறிவுறுத்தியுள்ளது.

அதிக வெப்பத்தால் கால்நடைகள் வாயைத் திறந்து மூச்சு விடுதல், அதிகளவில் தண்ணீர் குடித்தல், பகல் நேரங்களில் தீவனம் குறைவாக உட்கொள்ளுதல் மற்றும் நிழலைத் தேடுதல் போன்ற மாற்றங்களை வெளிப்படுத்தும். எனவே, கால்நடைகளுக்குத் தேவையான அளவு தண்ணீர் மற்றும் பசுந்தீவனம் வழங்குவதை உறுதி செய்ய வேண்டும் என வலியுறுத்தப்பட்டுள்ளது.