திருத்தணி மின்தடை: பொதுமக்கள் எதிர்ப்பால் வெள்ளியில் இருந்து சனிக்கிழமைக்கு மாற்றம்!

<p style="text-align: justify;">தமிழ்நாட்டில் மாதாந்திர மின் பராமரிப்புப் பணிகள் காரணமாக மின்சாரம் நிறுத்தப்படும்போது, அது குறித்து முந்தைய நாள் அறிவிக்கப்படும். இந்த பராமரிப்புப் பணிகளின்போது, சிறிய பழுதுகளைச் சரிசெய்வது, மின்கம்பங்கள் மற்றும் மின்வழித்தடங்களில் உள்ள மரக்கிளைகளை அகற்றுவது போன்ற பல்வேறு பணிகளில் மின்சார வாரிய ஊழியர்கள் ஈடுபடுவார்கள்.</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/08/20/be4437dfdb8344fa01b8e08a6b6f06221787203003525193_original.JPG" /></p> <p style="text-align: justify;">இந்த நிலையில், திருத்தணி மின் உதவி கோட்டம் சார்பில் அத்திமாஞ்சேரிபேட்டை, பூனிமாங்காடு, மாமண்டூர், ஆர்.கே.பேட்டை, பள்ளிப்பட்டு ஆகிய பகுதிகளில் அமைந்துள்ள துணை மின் நிலையங்களில் பராமரிப்பு பணிகளுக்காக வெள்ளிக்கிழமை காலை 9 மணி முதல் மாலை 5 மணி வரை மின்தடை செய்யப்படும் என்று திருத்தணி மின் செயற்பொறியாளர் அறிவிப்பு வெளியிட்டது. இதனால் 100க்கும் மேற்பட்ட கிராமங்களில் மின்தடை செய்யப்படுவதால், அப்பகுதிகளில் உள்ள பள்ளி, கல்லூரிகள், அரசு அலுவலகங்கள், வங்கிகளில் சேவை பாதிக்கப்படும் நிலை ஏற்பட்டது.</p> <p style="text-align: justify;">அலுவலக நாளில் மின் தடை செய்யப்பட்டால் பள்ளி, கல்லூரிகளில் மின்விசிறி இயங்காமல் மாணவர்கள் வகுப்புகளில் அமர்ந்து கல்வி கற்க கடும் அவதிப்படுவார்கள். மின் மோட்டார் இயங்காமல் தண்ணீருக்கு தட்டுப்பாடு ஏற்பட்டு மாணவர்கள் இயற்கை உபாதைகளை கழிக்க முடியாத நிலை ஏற்படும். மேலும் வங்கிகள் மற்றும் அரசு அலுவலகங்களில் அரசு பணிகள் முடங்கி அனைத்து தரப்பு மக்களும் பாதிக்கப்படுவார்கள் என்பதால் விடுமுறை நாளான சனிக்கிழமை மின்தடை அறிவிப்பு மாற்றி வெளியிட வேண்டும் என்று வலியுறுத்தினர். பொதுமக்களின் தொடர் எதிர்ப்பு எழுந்த நிலையில் வெள்ளிக்கிழமைக்கு பதில் சனிக்கிழமை மின்தடை செய்யப்படும் என்று மின் செயற்பொறியாளர் செய்தி குறிப்பில் தெரிவித்துள்ளார்.</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/08/20/a38b817246f08a2d1f855ff8942feb0d1787202924040193_original.JPG" /></p> <p style="text-align: justify;">மின்தடை காலங்களில் தகவல்களைப் பெறுவது மிகவும் முக்கியம். மின்சாரம் மீண்டும் வழங்கப்படும் நிலை மற்றும் அவசர அறிவிப்புகள் குறித்து தெரிந்துகொள்ள, குடியிருப்போர் பேட்டரி சக்தியில் இயங்கும் வானொலிகள் அல்லது முழுமையாக சார்ஜ் செய்யப்பட்ட மொபைல் போன்களை பயன்படுத்த வேண்டும். மொபைல் பேட்டரி ஆயுளை பாதுகாக்க, பவர் சேவிங் மோடினை இயக்கி, அவசர அழைப்புகள் மற்றும் குறுந்தகவல்கள் போன்ற தேவையான பயன்பாட்டிற்கு மட்டுமே போனைக் கொண்டு செயல்படுவது நல்லது.</p> <p>மின்தடை நேரத்தில் திடீர் மின்வெட்டு ஏற்படும் அபாயத்தைத் தவிர்க்க, லிப்டைப் பயன்படுத்தாமல் இருக்க வேண்டும். மேலும், அவசர தொடர்பு எண்கள் எளிதில் கிடைக்கும் வகையில் வைத்திருப்பதோடு, தண்ணீர், சிற்றுண்டி, மற்றும் முதலுதவி பெட்டி போன்ற அத்தியாவசிய பொருட்களையும் தயாராக வைத்திருக்க வேண்டும். இந்த முன்னெச்சரிக்கைகளைப் பின்பற்றுவதன் மூலம், குடியிருப்போர் மின்தடை நேரத்தை பாதுகாப்பாக சமாளிக்க முடியும்.</p> Source: Read Full Article