SBI கிளார்க் வேலை 2026: 1538 காலிப்பணியிடங்கள்! பட்டதாரிகளுக்கு அரிய வாய்ப்பு!

<p style="text-align: justify;">இந்தியாவின் மிகப்பெரிய பொதுத்துறை வங்கியான ஸ்டேட் பாங்க் ஆஃப் இந்தியாவில் (SBI) ஜூனியர் அசோசியேட்ஸ் (கிளர்க்) பணியிடங்களுக்கான வேலைவாய்ப்பு அறிவிப்பு வெளியாகியுள்ளது. நாடு முழுவதும் மொத்தம் 1,538 பணியிடங்கள் நிரப்பப்பட உள்ளன. இதில் தமிழகத்தில் மட்டும் 65 காலிப்பணியிடங்கள் உள்ளன. இந்த வாய்ப்பை பயன்படுத்த விரும்புவோர் 27.08.2026-க்குள் விண்ணப்பிக்க வேண்டும்.</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/08/19/111dd4dd4825ae31825b317d712df4ab1787136160826193_original.JPG" /></p> <p style="text-align: justify;">இந்த பணிக்கு அங்கீகரிக்கப்பட்ட பல்கலைக்கழகத்தில் பட்டப்படிப்பு முடித்தவர்கள் விண்ணப்பிக்கலாம். இறுதியாண்டு மாணவர்களும் விண்ணப்பிக்கலாம்; ஆனால் 31.12.2026-க்குள் பட்டப்படிப்பை முடித்திருக்க வேண்டும். 01.04.2026 அன்று விண்ணப்பதாரர்களின் வயது 20 முதல் 28 வயதுக்குள் இருக்க வேண்டும். எஸ்.சி., எஸ்.டி., ஓ.பி.சி. மற்றும் மாற்றுத்திறனாளிகளுக்கு அரசு விதிகளின்படி வயது தளர்வு வழங்கப்படுகிறது. தேர்வு செய்யப்பட்டவர்களுக்கு சுமார் ரூ.46,000 வரை சம்பளம் கிடைக்கும். தேர்வு மூன்று கட்டங்களாக நடைபெறும்.</p> <p style="text-align: justify;">முதலில் முதல்நிலைத் தேர்வு, பின்னர் முதன்மைத் தேர்வு, இறுதியாக வட்டார மொழி தகுதித் தேர்வு நடைபெறும். முதல்நிலைத் தேர்வில் ஆங்கிலம், திறனறிதல் மற்றும் கணிதம் ஆகியவற்றில் இருந்து 100 கேள்விகள் கேட்கப்படும். முதன்மைத் தேர்வு 200 மதிப்பெண்களுக்கு நடைபெறும். இதில் பெறும் மதிப்பெண்களின் அடிப்படையிலேயே இறுதித் தேர்வு செய்யப்படும். இந்த பணிக்கு நேர்முகத் தேர்வு கிடையாது. விண்ணப்பதாரர்கள் ஒரே ஒரு மாநிலத்திற்கு மட்டுமே விண்ணப்பிக்க முடியும்.</p> <p style="text-align: justify;">விண்ணப்பிக்கும் மாநிலத்தின் வட்டார மொழியை பேசவும், படிக்கவும், எழுதவும் தெரிந்திருக்க வேண்டும். பொதுப்பிரிவு, ஓ.பி.சி. மற்றும் இ.டபுள்யூ.எஸ். பிரிவினருக்கு ரூ.750 விண்ணப்பக் கட்டணம் நிர்ணயிக்கப்பட்டுள்ளது. எஸ்.சி., எஸ்.டி., மாற்றுத்திறனாளிகள் மற்றும் முன்னாள் ராணுவத்தினருக்கு கட்டணம் இல்லை. இந்த பணியிடங்களுக்கு ஆன்லைன் மூலம் மட்டுமே விண்ணப்பிக்க முடியும். விண்ணப்பதாரர்கள் SBI-யின் அதிகாரப்பூர்வ Careers பக்கத்திற்குச் சென்று விண்ணப்பிக்கலாம். விண்ணப்பிக்க கடைசி நாள்: 27.08.2026 ஆகும்.</p>