பேராசையின் உச்சம்: நேபாள வெள்ள நிவாரணம் என கூறி தன் கணக்கிற்கு பணத்தை மாற்றிய நபர்

நேபாளத்தில் ஏற்பட்ட வெள்ளத்தால் பாதிக்கப்பட்டவர்களுக்கு வழங்கப்படும் நிவாரண நிதியைத் திருட முயன்ற நபரை அந்நாட்டு காவல்துறையினர் கைது செய்துள்ளனர். ராமேச்சாப் மாவட்டத்தைச் சேர்ந்த 32 வயது மதிக்கத்தக்க நபர் ஒருவர், போலியான நன்கொடை ரசீதுகளைத் தயாரித்து, பேரிடர் நிவாரண நிதியைத் தனது சொந்த வங்கிக் கணக்கிற்கு மாற்ற முயற்சித்துள்ளார்.

பேராசையின் காரணமாக நிவாரண நிதியை முறைகேடாகக் கையாள முயன்ற அந்த நபர் மீது வழக்குப்பதிவு செய்யப்பட்டுள்ளது. இச்சம்பவம் தொடர்பாக அவரிடம் காவல்துறையினர் விசாரணை நடத்தி வருகின்றனர்.