சென்னையில் மெரினா, பெசன்ட் நகர் பீச் உள்பட 32 இடங்களில் ஜென்சி இளைஞர்களுக்கு குட்நியூஸ்

சென்னையில் உள்ள மெரினா மற்றும் பெசன்ட் நகர் கடற்கரை பகுதிகளில் பயன்பாடின்றி இருந்த இலவச வைஃபை வசதி மீண்டும் செயல்பாட்டுக்கு கொண்டுவரப்பட்டுள்ளது. மெரினா கடற்கரையில் உழைப்பாளர் சிலையிலிருந்து கலங்கரை விளக்கம் வரையிலான 27 இடங்களிலும், பெசன்ட் நகர் கடற்கரையில் 5 இடங்களிலும் இந்த இணைய சேவை பொதுமக்களின் பயன்பாட்டுக்கு கிடைக்கிறது.

ஒட்டுமொத்தமாக 32 இடங்களில் இந்த வைஃபை வசதி தற்போது நடைமுறைப்படுத்தப்பட்டுள்ளது. கடற்கரைக்கு வரும் இளைஞர்கள் மற்றும் பொதுமக்கள் இந்த இலவச இணைய வசதியை இனி தடையின்றி பயன்படுத்திக் கொள்ளலாம்.