New Audi Q3: அசத்தல் லுக்கில் அதிரடி காட்ட வரும் ஆடி Q3 SUV- டிசைன், விலை, வசதிகள் விவரம்!

<p>இந்தியாவில் விரைவில் அறிமுகமாக உள்ள புதிய ஆடி Q3 (Audi Q3) எஸ்யுவி காரின் முதல் டீசரை ஆடி நிறுவனம் வெளியிட்டுள்ளது. இன்னும் சில நாட்களில் இந்தியாவில் முழுமையாக அறிமுகம் செய்யப்படும் இந்த புதிய தலைமுறை கார் குறித்து கீழே விரிவாக அறியலாம்.</p> <p><strong>வடிவமைப்பு</strong></p> <p>தற்போதைய மாடலை விட புதிய Q3 கார் மிகவும் நவீனமாகவும், ஸ்போர்ட்டியாகவும் வடிவமைக்கப்பட்டுள்ளது. இதன் முன்புறத்தில் புதிய ஸ்பிளிட் ஹெட்லேம்ப் டிசைன், முந்தையதை விட மிகவும் பெரிய கிரில் மற்றும் புதிய 2D ஆடி லோகோ ஆகியவை இடம்பெற்றுள்ளன.</p> <p>காரின் பக்கவாட்டு மற்றும் பின்புறம் அதிக வளைவுகளுடன் செதுக்கப்பட்டதை போன்ற நவீன தோற்றத்தைக் கொண்டுள்ளது. மேலும், இதில் 18-இன்ச் சக்கரங்கள் இடம்பெறும் என எதிர்பார்க்கப்படுகிறது.</p> <p><br /><img src="https://feeds.abplive.com/onecms/images/uploaded-images/2026/08/18/4d22f380a51e33ecc3906408164ecf521787040778820332_original.jpg" /></p> <p><strong>உட்புறம்</strong> <strong>மற்றும்</strong> <strong>சிறப்பம்சங்கள்</strong></p> <p>உட்புறத்தில் முற்றிலும் புதிய டேஷ்போர்டு அமைக்கப்பட்டுள்ளது. இதில் 11.9 இன்ச் டிஜிட்டல் இன்ஸ்ட்ரூமென்ட் கிளஸ்டர் மற்றும் 12.8 இன்ச் இன்ஃபோடெயின்மென்ட் சிஸ்டம் கொடுக்கப்பட்டுள்ளது. புதிய தோற்றத்திலான ஸ்டீயரிங் வீல், 360 டிகிரி கேமரா, வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே, வென்டிலேட்டட் மற்றும் பவர் சீட்டுகள், பனோரமிக் சன்ரூஃப், லெவல் 2 ADAS போன்ற பல அதிநவீன வசதிகள் இதில் இடம்பெற உள்ளன.</p> <p><strong>பெட்ரோல் ஆப்ஷன் மட்டுமே</strong></p> <p>இந்த புதிய Q3 கார் பெட்ரோல் ஆப்ஷனில் மட்டுமே வெளிவரும். இதில் 2.0 லிட்டர் டர்போ பெட்ரோல் இன்ஜின் மற்றும் 7-ஸ்பீடு DSG ஆட்டோமேட்டிக் கியர்பாக்ஸ் வழங்கப்பட உள்ளது.</p> <p>மற்ற கார்களை விட இதன் முக்கிய சிறப்பம்சமாக ஆடியின் புகழ்பெற்ற குவாட்ரோ சிஸ்டம் இதில் இடம்பெற்றுள்ளது. காரின் மைலேஜ் குறித்த அதிகாரப்பூர்வ விவரங்கள் இன்னும் வெளியிடப்படவில்லை.</p> <p><br /><img src="https://feeds.abplive.com/onecms/images/uploaded-images/2026/08/18/c3f752d0c95e0b121221c455b4e185fb1787040791425332_original.jpg" /></p> <p><strong>விலை</strong> <strong>எப்படி?</strong></p> <p>இந்தியாவில் ஆடியின் விற்பனையை அதிகரிப்பதில் இந்த மாடல் மிக முக்கிய பங்கு வகிக்கும். ஏனெனில் இதன் தற்போதைய மாடல் வாடிக்கையாளர்கள் மத்தியில் பெரும் வரவேற்பைப் பெற்றதாகும். இதன் விலை விவரங்கள் இன்னும் சில நாட்களில் நடைபெறும் அறிமுக விழாவில் அதிகாரப்பூர்வமாக அறிவிக்கப்படும் என்று தெரிவிக்கப்படுகிறது.</p> <p>இந்த புதிய Q3 காரைத் தொடர்ந்து, ஆடியின் ஃபிளாக் ஷிப் மாடலான Q9 உள்ளிட்ட பல புதிய கார்கள் அடுத்தடுத்த ஆண்டுகளில் அறிமுகமாக உள்ளன.</p> <p><iframe class="vidfyVideo" style="border: 0px;" src="https://tamil.abplive.com/web-stories/jobs/want-to-do-a-part-time-business-while-working-best-tips-271520" width="631" height="381" scrolling="no"></iframe></p>