ஒருவர்க்கு ஒன்பது ‘சிம்’ அட்டைகள்தான்: இந்திய அரசு உத்தரவு

ஒரு நபர் தனது பெயரில் அதிகபட்சமாக ஒன்பது கைப்பேசி இணைப்புகளை மட்டுமே வைத்திருக்க முடியும் என இந்திய அரசு உத்தரவிட்டுள்ளது. ஏற்கனவே ஒன்பது சிம் கார்டுகளை வைத்துள்ள சந்தாதாரர்களுக்கு, புதிய சிம் கார்டுகளை வழங்கக்கூடாது என்று தொலைத்தொடர்பு நிறுவனங்களுக்கு மத்திய அரசு அறிவுறுத்தியுள்ளது.

இந்த உத்தரவின்படி, ஏற்கனவே நிர்ணயிக்கப்பட்ட எண்ணிக்கையில் இணைப்புகளை பெற்றுள்ள வாடிக்கையாளர்களுக்கு புதிய இணைப்புகள் வழங்கப்படுவது தடுக்கப்படும். தொலைத்தொடர்பு சேவை வழங்கும் நிறுவனங்கள் இந்த நடைமுறையை உடனடியாகப் பின்பற்றுமாறு உத்தரவிடப்பட்டுள்ளது.