சதுரங்க வேட்டை பட பாணியில் நில மோசடி.. போலி ஆவணத்தால் ரூ.4 கோடிக்கு விற்பனை.. கம்பி எண்ணும் மூவர்!

ராமநாதபுரத்தில் போலி பவர் பத்திரம் மூலம் 4 கோடி ரூபாய் மதிப்பிலான நிலத்தை மோசடியாக விற்பனை செய்த வழக்கில், விற்பனையாளர் மற்றும் வாங்கியவர்கள் என மொத்தம் மூன்று பேரை நிலத்தடுப்பு பிரிவு காவல்துறையினர் கைது செய்துள்ளனர்.

சதுரங்க வேட்டை திரைப்பட பாணியில் போலி ஆவணங்களைத் தயாரித்து இந்த நில மோசடி அரங்கேற்றப்பட்டுள்ளது. இது குறித்து விசாரணை மேற்கொண்ட காவல்துறையினர், சம்பந்தப்பட்ட மூவரையும் கைது செய்து நடவடிக்கை எடுத்துள்ளனர்.