100 கி.மீ ஓடி வந்து பந்துவீசி இங்கிலாந்து வீரர் உலக சாதனை

இங்கிலாந்தைச் சேர்ந்த 22 வயதான சாம் போடோனோ என்ற கிரிக்கெட் வீரர், 100 கிலோமீட்டர் (62 மைல்) தூரம் ஓடி வந்து பந்து வீசி புதிய உலக சாதனையைப் படைத்துள்ளார். லண்டனில் உள்ள லார்ட்ஸ் மைதானத்திலிருந்து வேலி எண்ட் வரை இந்த நீண்ட தூரத்தை ஓடிச் சென்று, அவர் தனது முதல் பந்தை வீசினார்.

பொதுவாக கிரிக்கெட் விளையாட்டில் வேகப்பந்து வீச்சாளர்கள் 20 முதல் 30 யார்டு தூரத்தில் இருந்தே ஓடி வந்து பந்து வீசுவது வழக்கம். ஆனால், அதற்கு மாறாக மிக நீண்ட தூரம் ஓடி வந்து பந்து வீசியதன் மூலம் கிரிக்கெட் வரலாற்றில் மிக நீண்ட ரன்-அப் கொண்ட வீரராக அவர் அறியப்படுகிறார்.

கிரிக்கெட் வரலாற்றிலேயே மிக நீண்ட தூர ஓட்டத்திற்குப் பிறகு பந்து வீசப்பட்ட நிகழ்வாக இது கருதப்படுகிறது. இந்த விசித்திரமான முயற்சியின் மூலம் கின்னஸ் உலக சாதனை புத்தகத்தில் இடம் பெற அவர் திட்டமிட்டுள்ளார்.