சீனா மாஸ்டர்ஸ் பேட்மிண்டன்: சாம்பியன் பட்டம் வென்று இந்திய ஜோடி வரலாற்று சாதனை

பிடபிள்யூஎஃப் (BWF) சீனா மாஸ்டர்ஸ் 2026 பேட்மிண்டன் போட்டியில், இந்தியாவின் சத்விக்சாய்ராஜ் ரங்கிரெட்டி மற்றும் சிராக் ஷெட்டி இணை சாம்பியன் பட்டத்தை வென்று வரலாற்றுச் சாதனை படைத்துள்ளது. சீன மண்ணில் நடைபெற்ற இந்த இறுதிப் போட்டியில், சீன ஜோடியான ஜிடிங் மற்றும் ரென் சியாங்யு இணையை எதிர்கொண்ட இந்திய வீரர்கள் வெற்றி பெற்று முதன்முறையாக இப்பட்டத்தைக் கைப்பற்றியுள்ளனர்.

மிகவும் விறுவிறுப்பாக நடைபெற்ற இந்த இறுதிப் போட்டியில், முதல் செட்டை இழந்தாலும் சற்றும் தளராத இந்திய இணை, அடுத்தடுத்த செட்களைக் கைப்பற்றி 11-21, 21-13, 21-17 என்ற செட் கணக்கில் போராடி வெற்றியைத் தமதாக்கிக் கொண்டது. தங்கள் சொந்த மண்ணிலேயே சீன வீரர்களை வீழ்த்தி இந்திய ஜோடி இந்த வெற்றியைப் பதிவு செய்துள்ளது குறிப்பிடத்தக்கது.

இந்த வெற்றியின் மூலம் சத்விக்-சிராக் கூட்டணி தங்கள் பேட்மிண்டன் வாழ்க்கையில் 10-வது உலக சுற்றுப் பட்டத்தைத் தன்வசப்படுத்தியுள்ளது. மேலும், சீன வீரர்களுக்கு எதிராகத் தாங்கள் இதுவரை தோல்வியைச் சந்திக்காமல் தொடரும் சிறப்பான ஆட்டத்தையும் இந்த வரலாற்று வெற்றியில் அவர்கள் தக்கவைத்துள்ளனர்.