"முடிவில்லாத போர்களை முடிவுக்குக் கொண்டு வர வேண்டும்": ரஷ்ய அதிபர் புதினிடம் மோடி வலியுறுத்தல்

ஒவ்வொரு நாள் போரும் மனிதகுலத்தைப் பின்னோக்கித் தள்ளுகிறது என்று வலியுறுத்திய பிரதமர் நரேந்திர மோடி, கிர்கிஸ்தானின் பிஷ்கேக்கில் நடந்த ஷாங்காய் ஒத்துழைப்பு அமைப்பின் (எஸ்.சி.ஓ) உச்சிமாநாட்டின் போது, ரஷ்ய அதிபர் விளாடிமிர் புதினுக்குச் அமைதிச் செய்தியை அளித்தார். ஆங்கிலத்தில் படிக்க: "முடிவில்லாத போர்களிலிருந்து போரை முடிவுக்குக் கொண்டுவரும் நிலைக்கு நாம் நகர வேண்டும்" என்று பல ஆண்டுகளாக நீடிக்கும் உக்ரைன் மோதலின் பின்னணியில் புதினிடம் கூறிய பிரதமர் மோடி, "அனைத்துப் பிரச்சினைகளுக்கும் அமைதியான முறையில் தீர்வு காண்பதே மனிதகுலத்தின் அழைப்பு" என்று அழுத்தமாகக் கூறினார். "அமைதிக்கான அனைத்து முயற்சிகளையும் இந்தியா ஆதரிக்கிறது," என்றும் மோடி மேலும் தெரிவித்தார். Had extensive discussions with President Putin. Discussed the full range of the India-Russia Special and Privileged Strategic Partnership. It is gladdening to see significant progress across various sectors in recent years. Focus areas for the India-Russia friendship remain... pic.twitter.com/tclMVJ72KS — Narendra Modi (@narendramodi) August 31, 2026 மேலும், டெல்லியில் உள்ள பாரத் மண்டபத்தில் செப்டம்பர் 12-13 தேதிகளில் நடைபெறவுள்ள பிரிக்ஸ் உச்சிமாநாட்டிற்காகத் தான் இந்தியாவிற்கு வருகை தருவதை ரஷ்ய அதிபர் உறுதிப்படுத்தினார். View this post on Instagram A post shared by The Indian Express (@indianexpress) இரு நாடுகளுக்கும் இடையிலான ஒத்துழைப்பு "புதிய உயரங்களை எட்டி வருவது ஆழ்ந்த திருப்தி அளிக்கும் விஷயம்" என்று பிரதமர் மோடி குறிப்பிட்டார். இச்சந்திப்பிற்கு முன்னதாக, இருநாட்டுப் பேச்சுவார்த்தையானது பாதுகாப்பு, ஆற்றல் (எரிசக்தி), வர்த்தகம் மற்றும் முதலீடு உள்ளிட்ட இந்தியா-ரஷ்யாவின் பாரம்பரியப் பங்களிப்புப் பகுதிகளை உள்ளடக்கியதாக இருக்கும் என்று அதிகாரிகள் தெரிவித்ததாக பி.டி.ஐ செய்தி நிறுவனம் குறிப்பிட்டுள்ளது.