இனி எனது அரசியல் பயணம்.. கனத்த இதயத்துடன் அதிமுகவில் இருந்து விலகுகிறேன்: அப்சரா வெளியிட்ட திடீர் அறிவிப்பு

அதிமுகவின் கொள்கைப் பரப்பு துணைச் செயலாளராகப் பொறுப்பு வகித்த திருநங்கை அப்சரா ரெட்டி, அக்கட்சியிலிருந்து விலகுவதாக திடீரென அறிவித்துள்ளார். இதற்கு முன்பு அவர் கட்சியின் அதிகாரப்பூர்வ செய்தித் தொடர்பாளராகவும் பணியாற்றியது குறிப்பிடத்தக்கது.

தனது அரசியல் பயணத்தைத் தொடரப் போவதாகத் தெரிவித்துள்ள அப்சரா, கனத்த இதயத்துடன் இந்த முடிவை எடுத்துள்ளதாகக் குறிப்பிட்டுள்ளார். பதவியில் இருந்த அவர் திடீரென விலகியிருப்பது அதிமுகவினர் மத்தியில் பெரும் அதிர்ச்சியை ஏற்படுத்தியுள்ளது.