சி.பி.சி.எல். ஆலை விரிவாக்கத்துக்கு நிலம் கொடுத்தவர்கள் போராட்டம்..!

சி.பி.சி.எல். ஆலை விரிவாக்க பணிகளுக்காக தாங்கள் வழங்கிய நிலத்திற்கு உரிய இழப்பீடு கிடைக்கவில்லை என கூறி, நாகப்பட்டினம் மாவட்ட ஆட்சியர் அலுவலகம் முன்பு மக்கள் போராட்டத்தில் ஈடுபட்டனர். போராட்டக்காரர்களைக் காவல்துறையினர் குண்டுக்கட்டாகத் தூக்கிச் சென்று கைது செய்தனர்.

இந்த போராட்டத்தின்போது அங்கு கூடியிருந்த பெண்களை ஆண் காவலர்கள் வலுக்கட்டாயமாக வெளியேற்ற முயன்றதால் தள்ளுமுள்ளு ஏற்பட்டது. இதனால் அப்பகுதியில் பரபரப்பான சூழல் நிலவியது.