‘ஒரு ரூபாய் தானே’னு நினைக்காதீங்க... டாஸ்மாக்கில் சிக்கினால் 3 மாதம் சஸ்பெண்ட் - அமைச்சர விக்னேஷ்

டாஸ்மாக் மதுபானக் கடைகளில் அரசு நிர்ணயித்த விலையை விட கூடுதலாக ஒரு ரூபாய் வசூலித்தாலும் சம்பந்தப்பட்ட ஊழியர்கள் மீது கடும் நடவடிக்கை எடுக்கப்படும் என அமைச்சர் விக்னேஷ் எச்சரிக்கை விடுத்துள்ளார். மதுபானங்களின் விலை நிர்ணயிக்கப்பட்டுள்ள நிலையில், அதற்கு மேல் எந்தவொரு கூடுதல் தொகையையும் வாடிக்கையாளர்களிடம் பெறக்கூடாது என்றும், சிறிய தொகை என்ற காரணத்தைக் கூறி கூடுதல் வசூலை நியாயப்படுத்த முடியாது என்றும் அவர் தெரிவித்துள்ளார். குறிப்பாக, ஒரு ரூபாய் கூடுதலாக வசூலித்தது முதல்முறையாக கண்டறியப்பட்டால் சம்பந்தப்பட்ட ஊழியர் 3 மாதங்களுக்கு தற்காலிகமாக பணி நீக்கம் செய்யப்படுவார் என்றும் அமைச்சர் அறிவித்துள்ளார். அதன்பிறகும் அதே ஊழியர் மதுபானத்திற்கு கூடுதல் தொகை வசூலிப்பது உறுதி செய்யப்பட்டால், நிரந்தர பணி நீக்கம் செய்யப்படுவார் என்றும் அவர் திட்டவட்டமாக தெரிவித்துள்ளார். டாஸ்மாக் கடைகளில் மதுபானம் வாங்கும் பொதுமக்களிடம் நிர்ணயிக்கப்பட்ட விலையை மட்டுமே வசூலிக்க வேண்டும் என்றும், வாடிக்கையாளர்களிடம் கூடுதல் பணம் கேட்பது அல்லது பெறுவது விதிமீறலாக கருதப்படும் என்றும் அமைச்சர் கூறியுள்ளார். சில கடைகளில் விற்பனை விலையை விட கூடுதல் தொகை வசூலிக்கப்படுவதாக பொதுமக்களிடம் இருந்து புகார்கள் எழும் நிலையில், இதுபோன்ற முறைகேடுகளுக்கு முற்றுப்புள்ளி வைக்கும் வகையில் கண்காணிப்பு நடவடிக்கைகள் தீவிரப்படுத்தப்படும் எனவும் தெரிவிக்கப்பட்டுள்ளது. கடைகளில் மதுபானங்களின் விலைப்பட்டியல் வாடிக்கையாளர்களுக்கு தெளிவாகத் தெரியும் வகையில் வைக்கப்பட வேண்டும் என்றும், விற்பனையாளர்கள் ஒவ்வொரு மதுபானத்திற்கும் அரசு நிர்ணயித்த விலையைப் பின்பற்றி விற்பனை செய்ய வேண்டும் என்றும் அறிவுறுத்தப்பட்டுள்ளது. மேலும், டாஸ்மாக் பணியாளர்கள் தங்களது பணியில் நேர்மையுடனும், விதிமுறைகளைப் பின்பற்றியும் செயல்பட வேண்டும் என்றும் அமைச்சர் வலியுறுத்தியுள்ளார். கூடுதல் வசூல் தொடர்பாக புகார் கிடைத்தால், அதனை அதிகாரிகள் உரிய முறையில் விசாரித்து, குற்றச்சாட்டு உறுதி செய்யப்பட்டால் துறை ரீதியான நடவடிக்கை எடுக்கப்படும் என்றும் கூறப்பட்டுள்ளது. “ரூ.1 ஆக இருந்தாலும் கூடுதல் வசூல் கூடாது; விதிமீறல் செய்தால் நடவடிக்கை உறுதி” என்ற கடுமையான நிலைப்பாட்டை அமைச்சர் வெளிப்படுத்தியுள்ளார். ஒரே ஊழியர் மீண்டும் மீண்டும் விதிமீறலில் ஈடுபடுவதைத் தடுக்கும் வகையில், முதல் தவறிலேயே கடுமையான எச்சரிக்கை மற்றும் தண்டனை வழங்கப்படும் என்றும், மீண்டும் தவறு செய்தால் பணியில் தொடர முடியாத அளவுக்கு நிரந்தர பணி நீக்கம் செய்யப்படும் என்றும் அமைச்சர் விக்னேஷ் தெரிவித்துள்ளார். இதன் மூலம் டாஸ்மாக் கடைகளில் மதுபானங்களுக்கான நிர்ணயிக்கப்பட்ட விலையைவிட கூடுதலாக வசூலிக்கும் நடைமுறையை கட்டுப்படுத்தவும், வாடிக்கையாளர்களிடம் வெளிப்படையான விற்பனையை உறுதி செய்யவும் நடவடிக்கை எடுக்கப்பட உள்ளது.