ஆடி அமாவாசை காவிரி ஆற்றில் தண்ணீா் இல்லாததால் ஆழ்குழாயில் பக்தா்கள் புனித நீராடல்

தஞ்சாவூர் மாவட்டம் திருவையாறில் உள்ள காவிரி ஆற்றில் தண்ணீர் இல்லாததால், ஆடி அமாவாசையையொட்டி அங்கு வந்த பக்தர்கள் சிரமத்திற்குள்ளாகினர். இதனைத் தொடர்ந்து, பக்தர்களின் வசதிக்காக நகராட்சி நிர்வாகம் சார்பில் ஆழ்குழாய் கிணறு அமைக்கப்பட்டது.

அந்த ஆழ்குழாய் கிணற்றிலிருந்து வெளிவரும் நீரில் புதன்கிழமை ஏராளமான பக்தர்கள் புனித நீராடினர். புனித நீராட வந்த பக்தர்களுக்குத் தேவையான வசதிகளை நகராட்சி நிர்வாகத்தினர் செய்திருந்தனர்.