கோவை ஜிசிடி கல்லூரியில் தொழில்நுட்ப பணியாளர்கள் கோரிக்கை அட்டை அணிந்து போராட்டம்

கோவை தடாகம் சாலையில் அமைந்துள்ள ஜிசிடி அரசு பொறியியல் கல்லூரியில், தமிழ்நாடு பொறியியல் கல்லூரி தொழில்நுட்ப அலுவலர்கள் சங்கத்தினர் நேற்று போராட்டத்தில் ஈடுபட்டனர். தொழில்நுட்ப பணியாளர்களின் பதவிகளை மறுசீரமைப்பு செய்யக் கோரி, அவர்கள் கோரிக்கை அட்டைகளை அணிந்து இந்த போராட்டத்தை நடத்தினர்.

இந்த போராட்டத்திற்கு சங்கத்தின் மாநிலத் தலைவர் கார்த்திகேயன் தலைமை தாங்கினார். இதில் மாநில இணைச்செயலாளர் சுபாஷ் சந்திரபோஸ் மற்றும் செயற்குழு உறுப்பினர்களான ராகவதேவி, ராமசாமி உள்ளிட்டோர் கலந்துகொண்டனர்.