நீதியின் ஓலம் போராட்டத்திற்கு அனுமதி : வலி கிழக்கு தவிசாளரிடம் காவல்துறை விளக்கம் கோரல்

யாழ்ப்பாணம் செம்மணிப் பகுதியில் இடம்பெறவிருக்கும் 'நீதியின் ஓலம் 2' என்ற போராட்டத்திற்கு வலிகாமம் கிழக்கு பிரதேச சபைத் தவிசாளர் தியாகராஜா நிரோஷ் அனுமதி வழங்கிய விவகாரம் தொடர்பில் காவல்துறை விசாரணைகளைத் தொடங்கியுள்ளது. இனங்களுக்கிடையே அமைதியின்மையை ஏற்படுத்தி, பொது அமைதிக்கு குந்தகம் விளைவிக்கும் வகையில் இந்தப் போராட்டம் அமைந்துள்ளதாகக் குறிப்பிட்டு, காவல்துறை தவிசாளரிடம் விளக்கம் கோரியுள்ளது.

இந்த விவகாரம் தொடர்பாக தவிசாளர் தியாகராஜா நிரோஷ் எந்த அடிப்படையில் அனுமதி வழங்கினார் என்பது குறித்து காவல்துறை விசாரணைகளை மேற்கொண்டு வருகிறது. சனிக்கிழமை (15) நடைபெற்ற இது தொடர்பான சம்பவங்கள் குறித்து கூடுதல் தகவல்களைத் திரட்டுவதில் காவல்துறை ஈடுபட்டுள்ளது.