வார்த்தை விட்ட பாஜக எம்.பி; விருதை பறித்த மாநில அரசு

மேற்குவங்க மாநிலத்தில், நேதாஜியை அவமதித்த பாஜக எம்.பி. அனந்த மகராஜ் என்று அழைக்கப்படும் நாகேந்திர ராயிடமிருந்து மாநில அரசு விருதை திரும்பப் பெற்றது. கடந்த காலங்களில், மம்தா பானர்ஜி தலைமையிலான அரசு ஆட்சியில் இருந்தபோது, ​​கடந்த பிப்ரவரி மாதம் 21 ஆம் தேதி நாகேந்திர ராய்க்கு ’வங்காள விபூஷன்' விருது வழங்கப்பட்டிருந்தது. இந்நிலையில், வங்காளத்தில் மிகவும் மதிக்கப்படும் சுதந்திரப் போராட்ட தலைவர் சுபாஷ் சந்திர போஷ் குறித்து இவர் மோசமான முறையில் சமீபத்தில் விமர்சித்திருந்தார். அவர் பேசுகையில், நேதாஜியைப் போர்க் குற்றவாளி என்று விமர்சித்திருந்தார். மேலும், அவர் நாட்டு மக்களுக்கும், இந்திய ராணுவத்திற்கும் ஆற்றிய பங்கினை கேள்விக்குள்ளாக்கியிருந்தார். இது மாநிலம் முழுவதும் பெரும் சர்ச்சையை ஏற்படுத்தியிருந்தது. இந்நிலையில், நேதாஜியைக் குறித்து அவதூறாகப் பேசியதால் இவர் மீது நடவடிக்கை எடுக்குமாறு காவல்துறைக்கு உத்தரவிடப்பட்டது. இந்த உத்தரவையடுத்து, 24 மணி நேரத்தில் அவர் மீது நடவடிக்கை எடுக்கப்பட்டுள்ளதாகக் கூறப்படுகிறது. இந்த நடவடிக்கையின் ஒரு பகுதியாக, அவருக்கு வழங்கப்பட்டிருந்த வங்காளத்தின் உயரிய விருதான ’வங்காள விபூஷன்’ திரும்ப பெறப்பட்டுள்ளது. இந்த சமபவ்ம் அரசியல் வட்டாரத்தில் பெரும் சர்ச்சையை ஏற்படுத்தியுள்ளது.