கரூரில் உயிரிழந்தோர் குடும்பத்தினருக்கு அரசு வேலை ரத்து: உயர் நீதிமன்ற உத்தரவுக்கு உச்ச நீதிமன்றம் தடை

கரூர் கூட்ட நெரிசலில் உயிரிழந்தவர்களின் குடும்பத்தினருக்கு வழங்கப்பட்ட அரசு பணி நியமன ஆணைகளை ரத்து செய்து சென்னை உயர் நீதிமன்றம் பிறப்பித்த உத்தரவுக்கு உச்ச நீதிமன்றம் இடைக்காலத் தடை விதித்துள்ளது.

இந்த விவகாரம் தொடர்பாக பாதிக்கப்பட்டவர்கள் தொடர்ந்த மேல்முறையீட்டு வழக்கை விசாரித்த உச்ச நீதிமன்றம், இந்த உத்தரவை பிறப்பித்துள்ளது. இதன் மூலம் ரத்து செய்யப்பட்ட பணி ஆணைகள் தற்காலிகமாக நிறுத்தி வைக்கப்பட்டுள்ளன.