தென்மாநில முதல்வர்கள் மாநாடு: அமித் ஷா வருகையை ஒட்டி மாமல்லபுரத்தில் சுற்றுலா பயணிகளுக்கு அனுமதி ரத்து
மாமல்லபுரத்தில் அமைந்துள்ள பல்லவ மன்னர்களின் கலைச்சின்னங்களை பார்வையிட மத்திய உள்துறை அமைச்சர் அமித் ஷா நாளை வருகைத்தர உள்ள நிலையில், நிர்வாக காரணங்களுக்காக காலை 11 மணியிலிருந்து மாலை 5 மணி வரையில் சுற்றுலாப் பயணிகள் மற்றும் பார்வையாளர்களுக்கு அனுமதியில்லை என தொல்லியல்துறை தெரிவித்துள்ளது
மத்திய உள்துறை அமைச்சர் அமித் ஷா, தென்மாநில முதல்வர்கள் மாநாட்டில் கலந்துகொள்ள மாமல்லபுரத்திற்கு நாளை வருகை தருகிறார். இதனையொட்டி, அங்குள்ள பல்லவ கால கலைச்சின்னங்களைப் பார்வையிட வரும் சுற்றுலாப் பயணிகளுக்கு நாளை காலை 11 மணி முதல் மாலை 5 மணி வரை அனுமதி ரத்து செய்யப்பட்டுள்ளது.
நிர்வாக காரணங்களுக்காக இந்தத் தற்காலிகத் தடை விதிக்கப்படுவதாகத் தொல்லியல் துறை அறிவித்துள்ளது. குறித்த நேரத்தில் சுற்றுலாப் பயணிகள் யாரும் அனுமதிக்கப்பட மாட்டார்கள் எனத் தெரிவிக்கப்பட்டுள்ளது.