வாடகை ஒப்பந்தம் முடிவடையும் முன்பாக மருத்துவ மாணவிகளை வெளியேற்றியது சட்ட விரோதம்: ஐகோர்ட்

வாடகை ஒப்பந்தம் முடிவடைவதற்கு முன்பாகவே மருத்துவ மாணவியை வீட்டை விட்டு பலவந்தமாக வெளியேற்றியது சட்டவிரோதமானது என்று சென்னை உயர் நீதிமன்றம் தெரிவித்துள்ளது. வாடகைதாரர்களை இதுபோன்ற செயல்களின் மூலம் கட்டாயப்படுத்தி வெளியேற்றுவதை ஒருபோதும் வேடிக்கை பார்க்க முடியாது என நீதிபதி எச்சரித்துள்ளார்.

இந்தச் செயலில் ஈடுபட்ட வீட்டின் உரிமையாளர் மற்றும் குடியிருப்பின் மேலாளர் ஆகியோரை கடுமையாகச் சாடியுள்ள நீதிமன்றம், அவர்களின் நடவடிக்கைக்குத் தனது கண்டனத்தைப் பதிவு செய்துள்ளது.