ஏழு வயது கனவு.. கலெக்டரானார் மைக்கேல்பட்டி ஏஞ்சலின்.. கிறிஸ்தவ நல்லெண்ண இயக்கம் பாராட்டு

தஞ்சாவூர் மாவட்டம் திருக்காட்டுப்பள்ளி அருகேயுள்ள மைக்கேல்பட்டி கிராமத்தைச் சேர்ந்தவர் ஏஞ்சலின் ரெனிட்டா. இவர் தமிழ் வழிக் கல்வியில் பயின்று, தற்போது மணிப்பூரில் இளம் வயது மாவட்ட ஆட்சியராகப் பொறுப்பேற்று சாதனை படைத்துள்ளார்.

இவரது இந்தச் சாதனையைப் பாராட்டி, கிறிஸ்தவ நல்லெண்ண இயக்கத்தைச் சேர்ந்த முன்னாள் திமுக எம்எல்ஏ இனிகோ இருதயராஜ் தனது எக்ஸ் தளத்தில் வாழ்த்துகளைத் தெரிவித்துள்ளார். ஏழு வயது முதலே மாவட்ட ஆட்சியராக வேண்டும் என்ற கனவுடன் இருந்த ஏஞ்சலின், தற்போது அதனை நனவாக்கியுள்ளார்.