"தமிழர்களே கர்நாடகாவை விட்டு செல்லுங்கள்".. வாட்டாள் நாகராஜ் மிரட்டல்.. பூதாகரமாகும் காவிரி விவகாரம்

காவிரி விவகாரத்தில் அரசியல் செய்வதை நிறுத்திவிட்டு, மேகதாது அணை திட்டத்திற்கு அனுமதி அளிக்க வேண்டும் என வாட்டாள் நாகராஜ் வலியுறுத்தியுள்ளார். நடிகர் விஜய் மற்றும் முதலமைச்சர் ஸ்டாலின் ஆகியோர் இந்த விவகாரத்தில் ஈடுபட வேண்டாம் என்று அவர் எச்சரிக்கை விடுத்துள்ளார்.

தமிழர்களை கர்நாடகாவை விட்டு வெளியேறச் சொல்லவில்லை என்றாலும், தற்போதைய சூழலில் அத்தகைய நிலை உருவாகலாம் என்று அவர் குறிப்பிட்டுள்ளார். மேகதாது திட்டத்திற்கு அனுமதி கிடைக்காவிடில் தீவிர போராட்டங்கள் நடத்தப்படும் என்றும், அப்போது தமிழர்கள் கௌரவமாக இரயிலிலோ அல்லது காரிலோ கர்நாடகாவிலிருந்து வெளியேற நேரிடும் என்றும் அவர் கூறியுள்ளார்.