சீண்டும் பாகிஸ்தான்.. ஜனாதிபதி முர்மு கொடுத்த வார்னிங்.. சுதந்திர உரையை கவனிச்சீங்களா! அதிரடி

பயங்கரவாதத்திற்கு ஆதரவு அளிக்கும் பாகிஸ்தானுடன் மேற்கொள்ளப்பட்ட சிந்து நதிநீர் ஒப்பந்தத்தை இந்தியா ரத்து செய்துள்ளதாக ஜனாதிபதி திரௌபதி முர்மு தனது சுதந்திர தின உரையில் குறிப்பிட்டார். அண்டை நாடான பாகிஸ்தானின் தொடர்ச்சியான தூண்டுதல் நடவடிக்கைகளுக்கு அவர் தனது உரையில் கடும் கண்டனத்தைப் பதிவு செய்துள்ளார்.

பயங்கரவாதிகளும் அவர்களுக்கு ஆதரவளிப்பவர்களும் உலகின் எந்தப் பகுதியில் பதுங்கியிருந்தாலும், அவர்கள் அதற்கான விளைவுகளைச் சந்தித்தே தீர வேண்டும் என்று ஜனாதிபதி எச்சரிக்கை விடுத்துள்ளார். இந்தியாவின் பாதுகாப்பு விவகாரங்களில் பாகிஸ்தானின் போக்கை சுட்டிக்காட்டி அவர் இந்த அதிரடி கருத்தைத் தெரிவித்துள்ளார்.