சால்ட் போட சொல்லி கேட்டதுக்கு.. சர்ப் தூள் போட்ட சமையலர்! 34 மாணவர்கள் மருத்துவமனையில் அனுமதி!

பீகாரில் பள்ளி உணவு ஒன்றில் உப்பு குறைவாக இருப்பதாக மாணவர்கள் புகார் அளித்ததையடுத்து, சமையலர் தவறுதலாக உப்புக்கு பதிலாக துணி துவைக்கும் சர்ப் தூளை உணவில் கலந்துள்ளார். இந்த உணவைச் சாப்பிட்ட 34 மாணவர்கள் உடல்நலக்குறைவு ஏற்பட்டு மருத்துவமனையில் அனுமதிக்கப்பட்டுள்ளனர்.

இந்தச் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. பாதிக்கப்பட்ட மாணவர்கள் அனைவரும் மருத்துவக் கண்காணிப்பில் சிகிச்சை பெற்று வருகின்றனர்.