அசோக் செல்வனின் அடுத்த காதல் பயணம்.. வெளியானது ‘அன்பில் அவன்’ ஃபர்ஸ்ட் லுக்!

<p class="p1">அசோக் செல்வன் முதன்மை கதாபாத்திரத்தில் நடித்துள்ள புதிய திரைப்படமான<span class="s1"> ‘</span>அன்பில் அவன்<span class="s1">’ </span>படத்தின் ஃபர்ஸ்ட் லுக் மற்றும் டைட்டில் டீசர் வெளியாகி ரசிகர்களின் கவனத்தை ஈர்த்துள்ளது<span class="s1">. </span>ஆர்<span class="s1">. </span>கார்த்திகேயன் இயக்கியுள்ள இப்படம் அழகான காதல் கதையுடன் பொழுதுபோக்கு அம்சங்களையும் கொண்ட திரைப்படமாக உருவாகியுள்ளது<span class="s1">.</span></p> <p class="p1"><span class="s1">‘</span>அன்பில் அவன்<span class="s1">’ </span>படத்தில் அசோக் செல்வனுக்கு ஜோடியாக ப்ரீத்தி முகுந்தன் நடித்துள்ளார்<span class="s1">. </span>இவர்களுடன் சபு மோன்<span class="s1">, </span>அப்துல் சமத்<span class="s1">, </span>கதிர் பாலு<span class="s1">, </span>மஹா டெல்லி கணேஷ் உள்ளிட்ட பலர் முக்கிய கதாபாத்திரங்களில் நடித்துள்ளனர்<span class="s1">. </span>இயக்குநர் விக்னேஷ் ராஜா இப்படத்தின் கதையை எழுதியுள்ளார்<span class="s1">. </span>கௌதம் ராஜேந்திரன் ஒளிப்பதிவு செய்ய<span class="s1">, </span>கோவிந்த் வசந்தா இசையமைத்துள்ளார்<span class="s1">. </span>படத்தொகுப்பை ஆர்<span class="s1">.</span>கே<span class="s1">. </span>செல்வா மேற்கொள்ள<span class="s1">, </span>மணிகண்டன் ஸ்ரீனிவாசன் கலை இயக்கத்தை கவனித்துள்ளார்<span class="s1">.</span></p> <p class="p1">இப்படத்தின் ஃபர்ஸ்ட் லுக் மற்றும் டைட்டில் டீசர் வெளியீட்டு நிகழ்வு சென்னையில் நடைபெற்றது<span class="s1">. </span>இதில் படக்குழுவினர் கலந்துகொண்டு திரைப்படம் குறித்த பல்வேறு தகவல்களை பகிர்ந்துகொண்டனர்<span class="s1">. ‘</span>அன்பில் அவன்<span class="s1">’ </span>திரைப்படத்தை ஐங்கரன் இன்டர்நேஷனல் மற்றும் ஹேப்பி ஹை பிக்சர்ஸ் நிறுவனங்கள் சார்பில் கே<span class="s1">. </span>கருணா மூர்த்தி<span class="s1">, </span>அசோக் செல்வன் மற்றும் அபிநயா செல்வம் ஆகியோர் இணைந்து தயாரித்துள்ளனர்<span class="s1">.</span></p> <p class="p1">நிகழ்ச்சியில் பேசிய இயக்குநர் ஆர்<span class="s1">. </span>கார்த்திகேயன்<span class="s1">, ‘</span>அன்பில் அவன்<span class="s1">’ </span>பெண்களின் கனவு<span class="s1">, </span>அதை அடைவதற்கான முயற்சிகள்<span class="s1">, </span>போராட்டங்கள் மற்றும் சவால்களை காதலுடன் பேசும் திரைப்படம் என்று தெரிவித்தார்<span class="s1">. </span>மேலும்<span class="s1">, </span>அசோக் செல்வன் மற்றும் ப்ரீத்தி முகுந்தனின் திரை இணைப்பு படத்திற்கு கூடுதல் பலமாக இருக்கும் என்றும் கூறினார்<span class="s1">.</span></p> <p class="p1">இதுகுறித்து பேசிய அசோக் செல்வன்<span class="s1">, </span>இப்படத்தின் கதை புதிதானது அல்ல என்றாலும்<span class="s1">, </span>அதன் திரைக்கதை மற்றும் திரையரங்க அனுபவம் வித்தியாசமாக இருக்கும் என நம்பிக்கை தெரிவித்தார்<span class="s1">. </span>படத்தில் பெண்கள் ரசிக்கக்கூடிய பல காட்சிகளுடன் மாஸ் தருணங்களும் இடம்பெற்றுள்ளதாக அவர் குறிப்பிட்டார்<span class="s1">.</span></p> <p class="p1">மேலும்<span class="s1">, ‘</span>அன்பில் அவன்<span class="s1">’ </span>காதலுக்காக ஒருவன் எவ்வளவு தூரம் பயணிக்கிறான் என்பதை சொல்லும் கதை என்றும்<span class="s1">, </span>காதல் புத்திசாலியை முட்டாளாக்கும்<span class="s1">; </span>சாதாரணமானவனை சாதனையாளராக்கும் என்ற கருத்தை மையமாக வைத்து திரைக்கதை அமைக்கப்பட்டுள்ளதாகவும் அசோக் செல்வன் தெரிவித்தார்<span class="s1">.</span></p> <p class="p1">கோவிந்த் வசந்தாவின் இசை இப்படத்தின் முக்கிய பலமாக இருக்கும் என்றும்<span class="s1">, ‘96’ </span>படத்தைப் போலவே இப்படத்தின் இசையும் பேசப்படும் என அசோக் செல்வன் நம்பிக்கை தெரிவித்துள்ளார்<span class="s1">. </span>திரைப்படம் வரும் செப்டம்பர் மாதம் திரையரங்குகளில் வெளியாகும் என எதிர்பார்க்கப்படுகிறது<span class="s1">.</span></p>