ஜென் சி-யின் மூத்தவன்... 67 ஆண்டுகளில் 20 ஆண்டுகள் மட்டுமே... - கமல் நெகிழ்ச்சி!

தமிழ் சினிமாவில் எண்ணற்ற புது முயற்சிகள் அளவில்லா ஈடுபாடுடன் தொடர்ந்து இயங்கி வருபவர் கமல்ஹாசன். குழந்தை நட்சத்திரமாக அறிமுகமாகி இன்று தனக்கென்று ஒரு அடையாளத்தை உருவாக்கி பல சினிமா இளைஞர்களுக்கு உந்துதலாக உச்ச நட்சத்திரமாக திகழ்ந்து வரும் அவர் நேற்றுடன் 67வது சினிமா பயணத்தில் காலடியெடுத்து வைத்தார். இதையொட்டி பலரும் அவருக்கு வாழ்த்துகள் தெரிவித்தனர். இந்த நிலையில் வாழ்த்து தெரிவித்த அனைவருக்கும் நன்றி தெரிவித்து நெகிழ்ச்சியுடன் ஒரு பதிவை பகிர்ந்துள்ளார். அவர் வெளியிட்டுள்ள பதிவில், “சினிமாவில் எனது 67 ஆண்டுகாலப் பயணத்திற்கு வாழ்த்துகள் தெரிவித்த அனைவருக்கும் நன்றி. இந்த 67 ஆண்டுகளில், உண்மையான கற்றலாக நான் கருதுவது சுமார் 20 ஆண்டுகளை மட்டுமே. மீதமுள்ள காலம் கழிவுநீர் ஓட்டத்தோடு அடித்துச் செல்லப்பட்டதைப் போன்றது. இருப்பினும், ஒரு நம்பிக்கை தரும் விஷயம் என்னவென்றால், அந்த நீரோட்டம் எவ்வளவு இருண்டதாக இருந்தாலும், 'கூட்டுச் சினிமா' எனும் அந்த மாபெரும் வடிவத்தில், அதாவது ஒரு எல்லையற்ற கடலில் சங்கமிப்பதற்கான காத்திருப்பு தான் அது. கலைஞர்கள், ரசிகர்கள் என நாம் அனைவரும் அதை நோக்கியே பயணித்துக் கொண்டிருக்கிறோம். எனவே, இத்துறையில் எனது ஆண்டுகளை மக்கள் கணக்கிடுவதை நிறுத்திவிட்டு, வேறு இடங்களில் சிறந்த எண்களைத் தேடத் தொடங்கும் முன்பாக, அனுபவமாக நான் சேகரித்து வைத்திருப்பதை இன்னும் மேம்படுத்திக்கொள்ள முடியும் என்று நினைக்கிறேன். டிசம்பர் 1895-ல் லுமியர் சகோதரர்களின் முதல் பொதுத் திரைப்படக் காட்சிக்குப் பிறகு, திரைப்படத் துறை சுமார் 130 ஆண்டுகள் 8 மாதங்களாக இயங்கி வருகிறது. அந்த மொத்த வரலாற்றில் 67 ஆண்டுகள், அதாவது பாதிக்கும் மேற்பட்ட காலத்தில் பயணித்திருப்பதாக என் குழுவினர் எனக்கு நினைவூட்டினர். இது மிகவும் வியக்கத்தக்க ஒரு விஷயம். ஆயினும், எனது சொந்தக் கணக்கீட்டின்படி, உண்மையான கற்றலாக நான் உரிமை கோரக்கூடியது சுமார் 20 ஆண்டுகள் மட்டுமே. சினிமாவைப் பொறுத்தவரை, 'ஜென்-சி' (Gen Z) தலைமுறையில் மிகவும் மூத்தவனாக நானாகத்தான் இருப்பேன்” என்றுள்ளார். Thanks to all who wished me well on my 67 years of cinema. Out of those 67, I think I can only salvage about 20 years as my actual learning. The rest was going with the flow of the wastewater. The uplifting hope is, however dark the waterway turns out to be, the wait for a... — Kamal Haasan (@ikamalhaasan) August 13, 2026