இரண்டு ஆண்டு வலி..உடம்பெல்லாம் நடுக்கம்..காதலில் சந்தித்த டார்ச்சர் குறித்து அனுபமா

<p class="p2">நடிகை அனுபமா பரமேஸ்வரன் தனது காதல் வாழ்க்கை மற்றும் அதிலிருந்து தான் எதிர்கொண்ட வலி குறித்து சமீபத்திய பேட்டியில் மனம் திறந்து பேசியுள்ளார்<span class="s1">. </span>துருவ் விக்ரமை அனுபமா காதலித்து வந்தது சினிமா வட்டாரங்களில் பரவலாக அறியப்பட்ட நிலையில்<span class="s1">, </span>அந்த உறவு குறித்து இருவரும் அதிகாரப்பூர்வமாக வெளிப்படையாக பேசியதில்லை<span class="s1">. </span>இந்நிலையில்<span class="s1">, </span>சமீபத்தில் இன்ஸ்டாகிராமில் காதல் தோல்வி மற்றும் அதிலிருந்து மீண்டு வந்தது குறித்து அனுபமா பதிவிட்டிருந்தார்<span class="s1">. </span>அந்தப் பதிவைச் சுற்றி பல்வேறு கருத்துகள் எழுந்த நிலையில்<span class="s1">, </span>அந்தப் பதிவின் பின்னணியில் இருந்த இரண்டு ஆண்டுகால அனுபவத்தை அனுபமா தற்போது விரிவாகப் பகிர்ந்துள்ளார்<span class="s1">.</span></p> <h2 class="p2">இரண்டு ஆண்டு வலி</h2> <p class="p2"><span class="s1">தனது இன்ஸ்டாகிராம் பதிவு குறித்து பேசுகையில் “</span>அந்தப் பதிவு ஒரே இரவில் வந்துவிடவில்லை<span class="s1">. </span>அந்த ஒரு பதிவுக்குப் பின்னால் இரண்டு ஆண்டுகளின் வலி<span class="s1">, </span>உடல் ரீதியான மற்றும் உணர்வு ரீதியான அழிவு இருக்கிறது<span class="s1">. </span>நான் சும்மா ஒரு புகைப்படத்தைப் போட்டு<span class="s1">, </span>ஏதோ ஒரு கேப்ஷன் எழுத வேண்டும் என்று நினைக்கவில்லை<span class="s1">.</span></p> <p class="p2">சில காலம் சமூக வலைத்தளங்களில் இருந்து விலகியிருந்தேன்<span class="s1">. </span>நான் உண்மையாகவே குணமடைந்த பிறகு<span class="s1">, </span>நான் தயாராக இருக்கும்போது மட்டுமே ஏதாவது பதிவிட வேண்டும் என்று நினைத்தேன்<span class="s1">. </span>என்னுடைய வாழ்க்கையில் மிகவும் பெரிய விஷயத்தை நான் அடையாளம் கண்டுகொண்டேன்<span class="s1">. </span>அதிலிருந்து குணமடைய எனக்கான நேரத்தை எடுத்துக்கொண்டேன்<span class="s1">. </span>அதன் பிறகுதான் அதைப் பற்றி பேச வந்தேன்<span class="s1">” </span>என அனுபமா தெரிவித்துள்ளார்<span class="s1">.</span></p> <h2 class="p2"><span class="s1">“</span>நார்சிசிஸ்டிக் அப்யூஸை எதிர்கொண்டேன்<span class="s1">”</span></h2> <p class="p2">தனது அனுபவத்தைப் பற்றி பேசிய அனுபமா<span class="s1">, “</span>நான் இரண்டு ஆண்டுகளாக நார்சிசிஸ்டிக் அப்யூஸை எதிர்கொண்டேன்<span class="s1">. </span>இதைப் பற்றி முன்பு கேட்டபோது எனக்கு ஏற்பட்ட எதிர்வினை மிகவும் உடல்ரீதியாக இருந்தது<span class="s1">. </span>நான் நடுங்க ஆரம்பித்தேன்<span class="s1">.</span></p> <p class="p2">நார்சிசிஸ்டிக் அப்யூஸை எதிர்கொண்டவர்கள்<span class="s1">, </span>டிராமா பாண்டிங் என்றால் என்ன என்பதை அறிந்தவர்கள்<span class="s1">, </span>அந்த வலியை புரிந்துகொள்வார்கள்<span class="s1">. </span>ஆனால் இதைப் பற்றி எதுவும் தெரியாதவர்களும் இருக்கிறார்கள்<span class="s1">. </span>நார்சிசிஸத்திற்கு பாலினம் கிடையாது<span class="s1">. </span>இதை புரிந்துகொள்ளாமல் பலர் எதிர்மறையான கருத்துகளை தெரிவிக்கிறார்கள்<span class="s1">” </span>என்றார்<span class="s1">.</span></p> <h2 class="p2"><span class="s1">“</span>ஆரம்பத்தில் அது காதலாகத்தான் தெரியும்<span class="s1">”</span></h2> <p class="p2">உறவின் ஆரம்பகட்டத்தைப் பற்றி விளக்கிய அனுபமா<span class="s1">, “</span>நார்சிசிஸ்டிக் அப்யூஸில் ஆரம்பம் மிகவும் வித்தியாசமாக இருக்கும்<span class="s1">. </span>அவர்கள் மிகவும் சிறப்பாக நடிப்பார்கள்<span class="s1">. </span>வீட்டை விட்டு வெளியே வரும்போது அவர்கள் மிகவும் வசீகரமானவர்களாகவும்<span class="s1">, </span>அன்பானவர்களாகவும்<span class="s1">, </span>அமைதியானவர்களாகவும் இருப்பார்கள்<span class="s1">.</span></p> <p class="p2">ஆரம்பத்தில் அவர்கள் உங்களுடைய ஒரு குறிப்பிட்ட முகத்தை தான் உங்களிடம் காட்டுவார்கள்<span class="s1">. </span>உங்கள் பலவீனங்களை கண்டுபிடிப்பார்கள்<span class="s1">. </span>உங்கள் மனநிலையை கவனிப்பார்கள்<span class="s1">. </span>உங்கள் கடந்தகால காயங்களைப் பற்றி பேசுவார்கள்<span class="s1">. </span>அவர்களுடைய காயங்களையும் பகிர்ந்துகொள்வார்கள்<span class="s1">. </span>அதனால் ஒரு ஆழமான தொடர்பு இருப்பதாக நமக்குத் தோன்றும்<span class="s1">. </span>அது மிகவும் சரியான காதல் போல இருக்கும்<span class="s1">. </span>அதுதான் லவ் பாம்பிங் கட்டம்<span class="s1">” </span>எனக் கூறினார்<span class="s1">.</span></p> <h2 class="p2"><span class="s1">“</span>கொஞ்சம் கொஞ்சமாக கட்டுப்பாடு தொடங்கும்<span class="s1">”</span></h2> <p class="p2"><span class="s1">“</span>நீங்கள் தினமும் ஜீன்ஸ்<span class="s1">, </span>டாப் அணிபவர் என்று வைத்துக்கொள்ளுங்கள்<span class="s1">. </span>ஒருநாள் சுடிதார் அணிந்து வருகிறீர்கள்<span class="s1">. </span>அப்போது<span class="s1">, ‘</span>பேபி<span class="s1">, </span>இதில் நீ மிகவும் அழகாக இருக்கிறாய்<span class="s1">. </span>இது உன்னை மனைவியாக பார்க்கும் அளவுக்கு அழகாக இருக்கிறது<span class="s1">’ </span>என்று சொல்வார்கள்<span class="s1">.</span></p> <p class="p2">நீங்களும்<span class="s1">, ‘</span>அவருக்கு இது மிகவும் பிடித்திருக்கிறது<span class="s1">, </span>இன்னொரு சுடிதார் வாங்கலாம்<span class="s1">’ </span>என்று நினைப்பீர்கள்<span class="s1">. </span>அப்படியே ஒன்று இரண்டாகி<span class="s1">, </span>இரண்டு மூன்றாகி<span class="s1">, </span>கொஞ்சம் கொஞ்சமாக உங்கள் உடை முதல் நீங்கள் எப்படி இருக்க வேண்டும் என்பது வரை அவர்களுடைய விருப்பமாக மாறிவிடும்<span class="s1">.</span></p> <p class="p2">அதன்பிறகு<span class="s1">, </span>நீங்கள் எந்த உடையை அணியப் போகிறீர்கள் என்று முன்கூட்டியே புகைப்படம் அனுப்பி அனுமதி கேட்கும் நிலைக்கு வருவீர்கள்<span class="s1">. </span>சமூக வலைத்தளங்களில் என்ன புகைப்படம் பதிவிட வேண்டும் என்பதிலும் கட்டுப்பாடு வரும்<span class="s1">. </span>நீங்கள் பதிவிட்ட புகைப்படத்தைப் பார்த்து<span class="s1">, ‘</span>இந்தப் புகைப்படம் சரியாக இருக்கிறதா<span class="s1">?’ </span>என்று கேட்பார்கள்<span class="s1">. </span>அடுத்த முறை நீங்கள் பதிவிடுவதற்கு முன்பே அவர்களிடம் அனுமதி வாங்குவீர்கள்<span class="s1">” </span>என்று அனுபமா கூறியுள்ளார்<span class="s1">.</span></p> <h2 class="p2"><span class="s1">“</span>சிறிய சிறிய தண்டனைகள் மூலம் கட்டுப்படுத்துவார்கள்<span class="s1">”</span></h2> <p class="p2">அவர் மேலும் கூறும்போது<span class="s1">, “</span>நீங்கள் ஒருவரிடம் ஒரு கருத்து சொன்னால்<span class="s1">, </span>அதற்காக சிறிய சிறிய தண்டனைகள் கிடைக்கும்<span class="s1">. </span>அதனால் ஒரு பிரச்சினை வரக்கூடாது என்பதற்காக<span class="s1">, </span>சில விஷயங்களைத் தவிர்க்க ஆரம்பிப்பீர்கள்<span class="s1">. </span>இந்தப் பேச்சை தவிர்க்கலாம்<span class="s1">, </span>அந்த விஷயத்தை பேசாமல் இருக்கலாம் என்று நினைப்பீர்கள்<span class="s1">. </span>அது<span class="s1"> withdrawal, silent treatment </span>போன்ற விஷயங்களாக மாறும்<span class="s1">. </span>அதற்குள் நீங்கள் அந்த நபருடன் மிகவும் ஆழமாக இணைந்திருப்பீர்கள்<span class="s1">” </span>என்றார்<span class="s1">.</span></p> <p class="p2"> </p>