பெட்ரோலில் எவ்வளவு எத்தனால்? அனைத்து பங்கிலும் கட்டாய லேபிள் நடைமுறை - உச்சநீதிமன்றத்தில் விசாரணை?

பெட்ரோல் நிலையங்களில் விற்கப்படும் எரிபொருளில் எவ்வளவு சதவீதம் எத்தனால் கலக்கப்பட்டுள்ளது என்பதை வாடிக்கையாளர்களுக்குத் தெளிவாகத் தெரிவிக்கும் வகையில், கட்டாய லேபிளிங் முறையை அமல்படுத்தக் கோரி உச்சநீதிமன்றத்தில் மனு தாக்கல் செய்யப்பட்டுள்ளது. இந்த மனு விரைவில் விசாரணைக்கு வர உள்ளது.

ஒவ்வொரு பெட்ரோல் பங்கிலும் எத்தனால் கலப்பு விவரத்தை அனைவரும் எளிதில் வாசிக்கும் வகையில் காட்சிப்படுத்த வேண்டும் என்று அந்த மனுவில் வலியுறுத்தப்பட்டுள்ளது. மேலும், எத்தனால் கலந்த பெட்ரோல் எந்தெந்த வாகனங்களுக்கு ஏற்றது என்பதை ஆய்வு செய்ய, சுயாதீன நிபுணர் குழுவை அமைக்க வேண்டும் என்றும் கோரப்பட்டுள்ளது.