தற்காலிக மார்க்கெட் கடைகள் அமைக்கும் பணியில் குன்னூர் வர்த்தகர்களை பின்தொடரும் நெருக்கடி

குன்னூர் நகராட்சி மார்க்கெட் பகுதியில் தற்காலிகக் கடைகள் அமைக்கும் பணியில் வர்த்தகர்களுக்குப் பல்வேறு நெருக்கடிகள் ஏற்பட்டு வருகின்றன. பாதுகாப்பு கருதி, தற்காலிகக் கடைகளை அமைக்க அபாயகரமற்ற இடங்களை மட்டுமே தேர்வு செய்ய வேண்டும் என்று கோரிக்கைகள் எழுந்துள்ளன.

நீலகிரியின் முக்கிய வர்த்தக மையமான குன்னூர் நகராட்சி மார்க்கெட்டில் புதிய கடைகள் கட்டும் பணிகள் கடந்த 2023-ம் ஆண்டு தொடங்கப்பட்டது. இந்தச் சூழலில், தற்போது தற்காலிகக் கடைகளை அமைப்பதில் உள்ள இடர்பாடுகள் வர்த்தகர்களிடையே கவலையை ஏற்படுத்தியுள்ளது.