மணல் குவியலால் விபத்து அபாயம்

ராமேஸ்வரம் - ராமநாதபுரம் தேசிய நெடுஞ்சாலையில் அக்னி தீர்த்த கடற்கரை முதல் பாம்பன் வரையிலான பகுதிகளில் சாலையின் இருபுறமும் மணல் குவியல்கள் அதிகளவில் தேங்கிக் கிடக்கின்றன. அரசு பேருந்துகள், சுற்றுலா வாகனங்கள் என ஆயிரக்கணக்கான வாகனங்கள் பயணிக்கும் இந்த முக்கிய சாலையில், மணல் மேடுகள் குவிந்துள்ளதால் விபத்துகள் ஏற்படும் அபாயம் நிலவுகிறது.

குறிப்பாக, சாலையின் சில பகுதிகளில் குவிந்துள்ள மணலால் இருசக்கர வாகன ஓட்டிகள் கடும் சிரமத்திற்கு உள்ளாகின்றனர். இதனால் வாகனப் போக்குவரத்திற்கு இடையூறு ஏற்பட்டு, விபத்துக்கள் நிகழும் சூழல் உருவாகியுள்ளது.