வீரன், விஎஸ்ஒபி, ஹனிபீ, உள்ளிட்ட 11 மதுபான வகைகளை விற்கத் தடை.. டாஸ்மாக் அதிரடி உத்தரவு!

டாஸ்மாக் கடைகளில் விற்பனை செய்யப்படும் 'வீரன்', 'விஎஸ்ஒபி' மற்றும் 'ஹனிபீ' உள்ளிட்ட 11 வகையான மதுபானங்களை விற்பனை செய்ய டாஸ்மாக் நிர்வாகம் அதிரடியாகத் தடை விதித்துள்ளது.

உணவுப் பாதுகாப்புத் துறை அதிகாரிகள் டாஸ்மாக் கடைகளில் மேற்கொண்ட ஆய்வுகளில், இந்த 11 வகை மதுபானங்களில் செயற்கை சுவையூட்டிகள் கலந்திருப்பது உறுதி செய்யப்பட்டது. இதனைத் தொடர்ந்து இந்தத் தடை உத்தரவு பிறப்பிக்கப்பட்டுள்ளது.