காலநிலை மாற்றத்தால் ஏற்பட்ட பேரழிவு வெள்ளம்: இந்தியா, சீனா மற்றும் அமெரிக்காவிடம் இழப்பீடு கோரும் நேபாளம்

நேபாளத்தில் காலநிலை மாற்றத்தினால் ஏற்பட்ட கடுமையான வெள்ளப் பெருக்கிற்கு, அமெரிக்கா, இந்தியா மற்றும் சீனா ஆகிய நாடுகள் இழப்பீடு வழங்க வேண்டும் என நேபாள அரசு கோரிக்கை விடுக்கத் திட்டமிட்டுள்ளது. இந்த பேரழிவிற்கு நிதி உதவியை விட நீதி மற்றும் இழப்பீடே முக்கியம் என அந்நாட்டு வெளியுறவுத்துறை மந்திரி ஷிசிர் கனால் தெரிவித்துள்ளார். வெள்ள பாதிப்புகளுக்கு இந்த நாடுகள் பொறுப்பேற்க வேண்டும் என்பதே நேபாளத்தின் உறுதியான நிலைப்பாடாக உள்ளது.

கடந்த 26-ஆம் தேதி திபெத் இமயமலைப் பகுதியில் ஏற்பட்ட பனிச்சரிவு காரணமாகப் போடோ கோஷி ஆற்றில் கடுமையான வெள்ளப்பெருக்கு உருவானது. பாறைகள் மற்றும் சேற்றுடன் சீறிப்பாய்ந்த இந்த வெள்ளம் நேபாளத்தின் வடக்கு மற்றும் மத்திய மாவட்டங்களைப் பெரும் பாதிப்பிற்குள்ளாக்கியது. இயற்கை சீற்றத்தால் ஏற்பட்ட இந்த துயர நிகழ்வில் சுற்றுலாப் பயணிகள் உள்ளிட்ட ஆயிரக்கணக்கான மக்கள் அடித்துச் செல்லப்பட்டனர்.

காலநிலை மாற்றத்தால் தங்கள் நாட்டில் ஏற்பட்டுள்ள இந்த பேரழிவானது பெரும் பாதிப்புகளை உண்டாக்கியுள்ளது. இந்த விவகாரத்தில் சர்வதேச நாடுகள் தார்மீகப் பொறுப்பேற்க வேண்டும் என்பதை வலியுறுத்தும் வகையில் நேபாளத்தின் இந்த கோரிக்கை முன்வைக்கப்பட்டுள்ளது.