நிலவில் மனிதர்கள் வசிக்க நிரந்தர வீடு: நிலவுக்கு 3 டன் சரக்குகளை அள்ளிக்கொண்டு போகும் 'ப்ளூ மூன்'

நிலவின் தென் துருவப் பகுதியில் மனிதர்கள் தங்கி ஆய்வு செய்யும் நீண்டகால நிலவு தளத்தை (Moon base) அமைக்கும் திட்டத்தில், நாசா திட்டமிடல் கட்டத்திலிருந்து நேரடி வன்பொருள் சோதனை (Hardware testing) நிலைக்கு முன்னேறியுள்ளது. விண்வெளி வீரர்கள் நிலவில் நீண்ட காலம் தங்கிப் பணியாற்றுவதற்கு ஏதுவாக, நிலவின் மேற்பரப்பைத் தயார்படுத்த ரோபோட்டிக் லேண்டர்கள், தனியார் விண்கலங்கள் மற்றும் நவீன தொழில்நுட்ப சோதனைகளை நாசா முதல் கட்டத்தில் தீவிரமாகப் பயன்படுத்தி வருகிறது. நாசாவின் தகவல்படி, முதல் கட்டத் திட்டம் 2029 வரை நீடிக்கும். இக்காலகட்டத்தில் நிலவின் மேற்பரப்பை எளிதில் சென்றடைதல், புதிய தொழில்நுட்பங்களைச் சோதித்தல் மற்றும் நிலவின் சூழல் பற்றிய தரவுகளைச் சேகரிக்கும் நோக்கில் 20-க்கும் மேற்பட்ட ரோபோட்டிக் லேண்டிங் திட்டங்கள் செயல்படுத்தப்பட உள்ளன. இவை எதிர்காலக் கட்டுமானத்திற்குத் தேவையான அறிவியல் அளவீடுகளையும் அடிப்படை வசதிகளையும் வழங்கும். நாசாவின் ஆய்வுக் கருவிகளை நிலவுக்கு எடுத்துச் செல்ல பல தனியார் நிறுவனங்கள் விண்கலங்களைத் தயாரித்து வருகின்றன. தனது 'ப்ளூ மூன் MK1' (Blue Moon MK1) சரக்கு லேண்டரை என்டூரன்ஸ் (Endurance) திட்டத்திற்காகத் தயார் செய்து வருகிறது. நாசாவின் ஜான்சன் விண்வெளி மையத்தில் வெப்ப வெற்றிட சோதனைகளை முடித்துள்ள இந்த லேண்டர், 'நியூ க்ளென்' ராக்கெட் மூலம் 3 மெட்ரிக் டன் எடையை நிலவுக்குக் கொண்டு செல்லும் திறன் கொண்டது. இது துல்லியமாகத் தரையிறங்குதல் மற்றும் தன்னாட்சி அமைப்புகளைச் சோதிக்கும். 'ப்ளூ கோஸ்ட் மிஷன் 2' (Blue Ghost Mission 2) திட்டத்தின் கீழ், ப்ளூ கோஸ்ட் லேண்டருடன் எலிட்ரா (Elytra) விண்கலத்தை இணைத்து 22 அடி உயர அமைப்பை உருவாக்கியுள்ளது. இது நிலவின் மறுபக்கத்தில் (Far side) தரையிறங்கும் முதல் அமெரிக்க விண்கலமாக திட்டமிடப்பட்டுள்ளது. 'டிரினிட்டி' (Trinity) என்று பெயரிடப்பட்ட தனது 3-வது நோவா-சி (Nova-C) லேண்டரை நிலவின் 'ரெய்னர் காமா' பகுதிக்கு அனுப்பத் தயாராகி வருகிறது. இது ஆல்டஸ் 1 தரவுத் தொடர்பு செயற்கைக்கோளுடன் சென்று, நிலவின் காந்த முரண்பாடுகளை (Magnetic anomaly) ஆய்வு செய்ய நாசா மற்றும் வணிகக் கருவிகளைத் தரைக்குக் கொண்டு சேர்க்கும். To the Moon with @NASA ! Our second Blue Moon MK1 lander is already in production and well-suited to support the VIPER rover. Building on the learnings from our first MK1 lander, this mission is important for future lunar permanence and will teach us about the origin and... pic.twitter.com/NAaiI29a0i — Blue Origin (@blueorigin) September 19, 2025 ரோபோட்டிக் திட்டங்கள் முழுமையான நிலவு தளக் கட்டமைப்பின் ஒரு பகுதியாகும். நாசா இதனை 3 கட்டங்களாகப் பிரித்துள்ளது. கிரிஃபின் 1 லேண்டர் (Griffin 1): வாயேஜர் டெக்னாலஜிஸ் (Voyager Technologies) தயாரித்துள்ள இந்த லேண்டர், 2026-ஆம் ஆண்டின் இறுதியில் ஏவப்பட உள்ளது. இது ஆஸ்ட்ரோலேப் நிறுவனத்தின் FLIP ரோவருடன் இணைந்து இதுவரை இல்லாத மிகப்பெரிய வணிக எடையை நிலவுக்குக் கொண்டு செல்லும். நிலவின் கடுமையான இருண்ட குளிர் காலங்களைத் தாங்கும் தொழில்நுட்பங்கள், அணுக்கரு பிளவு மின்சாரம் கதிரியக்க ஐசோடோப் வெப்பமாக்கல் மற்றும் தகவல் தொடர்பு அமைப்புகளை நாசா, நார்த்ராப் க்ரம்மன் போன்ற நிறுவனங்களுடன் இணைந்து உருவாக்கி வருகிறது. நிலவு தளத்தின் 3 கட்ட வளர்ச்சிப் பாதை: கட்டம் 1 (தற்போது முதல் 2029 வரை): 20-க்கும் மேற்பட்ட ரோபோட்டிக் தரையிறக்கங்கள், தொழில்நுட்ப சோதனைகள் மற்றும் சுற்றுச்சூழல் தரவு சேகரிப்பு. கட்டம் 2 (2029 முதல் 2032 வரை): ஆரம்பக்கட்ட மின்சாரம், சரக்கு போக்குவரத்து, தளவாடங்கள் மற்றும் தொலைத்தொடர்பு உள்கட்டமைப்புகளை அமைத்தல். கட்டம் 3 (2032 முதல்): நிலவின் தென் துருவத்தில் மனிதர்கள் தங்குமிடம் (Habitats), போக்குவரத்து மற்றும் முழுமையான அமைப்புகளை ஒருங்கிணைத்து, விண்வெளி வீரர்கள் நீண்ட காலம் தங்கி ஆய்வு செய்வதற்கான நிரந்தர நிலவு தளத்தை அமைத்தல்.