சென்னையில் ரூ.100 கோடியில் அமையவிருக்கும் புதிய சிப் மையம்: 5,000 பேருக்கு வேலைவாய்ப்பு பயிற்சி

தமிழ்நாட்டை செமிகண்டக்டர் மற்றும் சிப் தயாரிப்புத் துறையில் உலகளாவிய மையமாக உருமாற்றும் நோக்கில், சென்னை ஐஐடி ஆராய்ச்சிப் பூங்காவில் ரூ.100 கோடி முதலீட்டில் அதிநவீன சிப் மையம் ஒன்றை அமைக்கும் பணிகள் தீவிரமாக நடைபெற்று வருகின்றன.

டிட்கோ மற்றும் சென்னை ஐஐடி ஆகியவற்றின் கூட்டு முயற்சியில் மேற்கொள்ளப்படும் இந்தத் திட்டம், மாநிலத்தின் தொழில்நுட்பம் மற்றும் மின்னணுத் துறையின் வளர்ச்சியை அடுத்த கட்டத்திற்கு எடுத்துச் செல்லும் ஒரு முக்கிய மைல்கல்லாகப் பார்க்கப்படுகிறது.

இந்த மையத்தின் வாயிலாக செமிகண்டக்டர் துறையில் 5,000 நபர்களுக்குத் திறன் மேம்பாட்டுப் பயிற்சி அளிக்கத் திட்டமிடப்பட்டுள்ளது. இத்தகைய முன்னெடுப்பின் மூலம் தொழில்நுட்பத் துறையில் புதிய சாதனைகளைப் படைக்க தமிழ்நாடு முனைப்புடன் செயல்பட்டு வருகிறது.