தாம்பரத்தில் பாஸ்போர்ட் சேவை மையத்தில் திடீரென இணையதள கோளாறு..!
தாம்பரத்தில் பாஸ்போர்ட் சேவை மையத்தில் திடீரென இணையதள கோளாறு ஏற்பட்டதால் மூன்று மணி நேரம் காத்திருந்த பொதுமக்கள் அதிகாரிகளை முற்றுகையிட்டு வாக்கு வாதத்தில் ஈடுபட்டனர். காலை 9 மணி முதல் 200க்கும் மேற்பட்டோர் காத்திருந்த நிலையில், அதிகாரிகள் தரப்பு எந்த வித முறையான பதில் அளிக்கவில்லை எனக்கூறி அவர்கள் குற்றஞ்சாட்டினார். இந்நிலையில் பல மணி நேரம் பிறகு மீண்டும் இணையதள சேவை தொடங்கிய நிலையில் பாஸ்போர்ட் பதிவு செய்யும் பணிகள் நடைபெற்றன.
தாம்பரம் பாஸ்போர்ட் சேவை மையத்தில் திடீரென ஏற்பட்ட இணையதளக் கோளாறால், அங்கு வந்திருந்த பொதுமக்கள் கடும் அவதிக்குள்ளாகினர். காலை 9 மணி முதலே பாஸ்போர்ட் பணிகளுக்காக 200-க்கும் மேற்பட்டோர் காத்திருந்த நிலையில், இணையதளச் சேவை முடங்கியதால் சுமார் மூன்று மணி நேரம் பணிகள் பாதிக்கப்பட்டன.
இதனால் ஆத்திரமடைந்த பொதுமக்கள், தங்களுக்கு முறையான பதில் அளிக்காத அதிகாரிகளை முற்றுகையிட்டு வாக்குவாதத்தில் ஈடுபட்டனர். நீண்ட நேர காத்திருப்புக்கு பிறகு இணையதள சேவை மீண்டும் சரிசெய்யப்பட்டதை அடுத்து, பாஸ்போர்ட் பதிவு செய்யும் பணிகள் தொடங்கின.