ரயில் பயணிகள் கவனத்திற்கு: எழும்பூர், தாம்பரம் - நெல்லை, குமரி சிறப்பு ரயில்கள் சேவை நீட்டிப்பு; தெற்கு ரயில்வே அறிவிப்பு

பயணிகளின் வசதிக்காகச் சிறப்பு ரயில்களின் சேவையை நீட்டித்து தெற்கு ரயில்வே முக்கிய அறிவிப்பை வெளியிட்டுள்ளது. இது தொடர்பாகத் தெற்கு ரயில்வே வெளியிட்டுள்ள செய்திக்குறிப்பில், எழும்பூர் – கன்னியாகுமரி சிறப்பு ரயில்கள்: சென்னை எழும்பூரில் இருந்து கன்னியாகுமரிக்கு இயக்கப்படும் சிறப்பு ரயில் (வண்டி எண்: 06045), செப்டம்பர் 4-ஆம் தேதி முதல் 25-ஆம் தேதி வரை வெள்ளிக்கிழமைகளில் மட்டும் இயக்கப்படும். மறுமார்க்கமாக, கன்னியாகுமரியில் இருந்து சென்னை எழும்பூருக்கு இயக்கப்படும் சிறப்பு ரயில் (வண்டி எண்: 06046), செப்டம்பர் 6-ஆம் தேதி முதல் 27-ஆம் தேதி வரை ஞாயிற்றுக்கிழமைகளில் மட்டும் இயக்கப்படும். தாம்பரம் – நெல்லை சிறப்பு ரயில்கள்: நெல்லையிலிருந்து தாம்பரத்திற்கு இயக்கப்படும் சிறப்பு ரயில் (வண்டி எண்: 06166), செப்டம்பர் 6-ஆம் தேதி முதல் 27-ஆம் தேதி வரை ஞாயிற்றுக்கிழமைகளில் மட்டும் இயக்கப்படும். நெல்லையிலிருந்து தாம்பரத்திற்கு இயக்கப்படும் மற்றொரு சிறப்பு ரயில் (வண்டி எண்: 06070), செப்டம்பர் 3-ஆம் தேதி முதல் 24-ஆம் தேதி வரை வியாழக்கிழமைகளில் மட்டும் இயக்கப்படும். மறுமார்க்கமாக, தாம்பரத்திலிருந்து நெல்லைக்கு இயக்கப்படும் சிறப்பு ரயில் (வண்டி எண்: 06165), செப்டம்பர் 7-ஆம் தேதி முதல் 28-ஆம் தேதி வரை திங்கட்கிழமைகளில் மட்டும் இயக்கப்படும். தாம்பரத்திலிருந்து நெல்லைக்கு இயக்கப்படும் மற்றொரு சிறப்பு ரயில் (வண்டி எண்: 06069), செப்டம்பர் 4-ஆம் தேதி முதல் 25-ஆம் தேதி வரை வெள்ளிக்கிழமைகளில் மட்டும் இயக்கப்படும். பயணிகள் இந்தச் சிறப்பு ரயில் சேவைகளைப் பயன்படுத்திக் கொள்ளுமாறு தெற்கு ரயில்வே கேட்டுக்கொண்டுள்ளது.