சைபர் கிரைம் வழக்குகள் காவல் நிலையங்களில் பதிவு செய்ய உத்தரவு: 2 நாட்களில் 17 பதிவானது

தேனி மாவட்டத்தில் சைபர் குற்றங்கள் அதிகரித்து வரும் நிலையில், காவல் நிலையங்களிலேயே இத்தகைய புகார்களைப் பதிவு செய்ய மாவட்ட காவல் கண்காணிப்பாளர் உத்தரவிட்டுள்ளார். இதனைத் தொடர்ந்து, கடந்த இரண்டு நாட்களில் மாவட்டத்தில் உள்ள பல்வேறு காவல் நிலையங்களில் 17 சைபர் குற்ற வழக்குகள் பதிவு செய்யப்பட்டுள்ளன.

செல்போன் திருட்டு, ஆன்லைன் மோசடி மற்றும் டிஜிட்டல் கைது என்ற பெயரில் நடைபெறும் பண மோசடி போன்ற சைபர் குற்றச் சம்பவங்கள் மாவட்டத்தில் தொடர்ந்து அதிகரித்து வருகின்றன. பாதிக்கப்பட்ட பொதுமக்கள் எளிதாகப் புகார் அளிக்கும் வகையில், இந்த நடவடிக்கை மேற்கொள்ளப்பட்டுள்ளது.