சூரியன் அழிந்தாலும் மனித இனம் உயிர்வாழுமா? விஞ்ஞானியின் வியக்கவைக்கும் கணிப்பு!

மனிதர்களால் நமது கிரகத்தின் தலையெழுத்தை மாற்ற முடியுமா? நமது நட்சத்திரமான சூரியன் அழியும்போது மனிதினத்தால் உயிர் பிழைக்க முடியுமா? இதற்கான விடையை ஒரு ஆய்வாளர் சாத்தியமாக்கியுள்ளார். சூரியனால் வரவிருக்கும் அழிவிலிருந்து தப்பிக்க அவர் 3 வழிகளைப் பரிந்துரைத்துள்ளார். ஆனால் இதற்குத் தொழில்நுட்பத்தில் கட்டுக்கடங்காத அளவுக்கு மிகப்பெரிய முன்னேற்றம் தேவைப்படும். இன்னும் பல பில்லியன் ஆண்டுகளுக்குப் பிறகு, சூரியன் தனது ஆயுளின் இறுதி நிலையை அடையும் போது விரிவடையத் தொடங்கும் என்று அறிவியலாளர்கள் நீண்டகாலமாகக் கணித்துள்ளனர். அது ஒரு "சிகப்பு அரக்கனாக" (Red Giant) மாறி, புதன் (Mercury) மற்றும் சுக்கிரன் (Venus) கிரகங்களை முழுங்கிவிடும். அத்துடன் பூமி மற்றும் செவ்வாய் கிரகங்களையும் அழித்து, வியாழன் போன்ற வாயு கிரகங்களின் சுற்றுப்பாதைகளையும் சூழலையும் பாதிக்கும். ஆனால், இந்த விதியிலிருந்து நம்மை நாம் காப்பாற்றிக் கொள்ள முடியும் என்று ஒரு ஆராய்ச்சியாளர் நம்புகிறார். 'ஜர்னல் ஆஃப் தி பிரிட்டிஷ் இன்டர்பிளானட்டரி சொசைட்டி' (Journal of the British Interplanetary Society) இதழில் விரைவில் வெளியாகவுள்ள ஒரு புதிய ஆய்வு, சூரியன் தனது சக்தியை இழக்கும் போது, இந்த பேராபத்திலிருந்து தப்பிப்பது சாத்தியமே என்று வாதிடுகிறது. சுயேச்சை ஆராய்ச்சியாளரான கேப்ரியல் ஹாரி (Gabriel Harry), இன்னும் 1 பில்லியன் ஆண்டுகளில் சூரியனின் எரிபொருள் தீர்ந்து, 5 பில்லியன் ஆண்டுகளில் அது ஒரு பிரகாசிக்கும் வாயு வளையமாகச் சுருங்கும் காலத்திலும், மனிதினம் 9 குவாட்ரில்லியன் (9.1 million billion) ஆண்டுகள் வரை வாழ்வதற்கான ஒரு தீர்வை வழங்கியுள்ளார். பூமியைச் சூரியனிடமிருந்து மட்டுமன்றி, தட்டுப் புடைர்ச்சி (tectonics), நீர் இழப்பு, பூமியின் அச்சில் ஏற்படும் மாற்றங்கள், விண்வெளிக் கோள்களின் மோதல்கள் மற்றும் நமது சூரிய குடும்பத்திற்கு அப்பால் இருந்து வரும் எந்தவொரு ஆபத்திலிருந்தும் பாதுகாக்கும் "மெகா இன்ஜினியரிங்" (Megaengineering) திட்டங்களை இந்த ஆய்வு விவரிக்கிறது. தற்போதைய நிலையில், பூமி இன்னும் சுமார் ஒரு பில்லியன் ஆண்டுகளில் மனிதர்கள் வாழத் தகுதியற்றதாகிவிடும் என்று ஹாரி குறிப்பிடுகிறார். "பாதுகாப்பு வழிமுறைகளைச் சரியாக நடைமுறைப்படுத்திப் பராமரித்தால், பூமியை மேலும் 9.1 மில்லியன் பில்லியன் ஆண்டுகள் வாழத் தகுதியானதாக வைத்திருக்க முடியும்" என்றும் அவர் கூறுகிறார். சூரியன் விரிவடையத் தொடங்கும் போது, சூரிய கதிர்வீச்சிலிருந்து பூமியைப் பாதுகாக்க ஒரு கவசம் தேவைப்படும். இதற்காக, சந்திரனின் சுற்றுப்பாதைக்கு வெளியே 700,000 கிலோமீட்டர் அகலமுள்ள ஒரு பிரம்மாண்டமான "சூரிய நிழற்குடையை" (Sunshade) அமைக்க அவர் முன்மொழிகிறார். இதை ஒரே இடத்தில் நிலைநிறுத்த, லாக்ராஞ்ச் புள்ளியில் 1 (Lagrange Point 1 - L1) வைக்கப்படும் ஒரு எடையுடன் கார்பன் கேபிள் மூலம் இது இணைக்கப்படும். இந்த நிழற்குடை சந்திரனில் இருந்து வெட்டி எடுக்கப்படும் அலுமினியத்தால் செய்யப்பட்டு, வானத்தின் 70 டிகிரி பகுதியை மறைக்கும். 2 மில்லியன் கிலோமீட்டர் நீளமுள்ள இந்த கார்பன் வடத்தை (tether) உருவாக்க, 'செரெஸ்' (Ceres) என்ற குள்ள கிரகத்தில் உள்ள 40 சதவீத வளங்களை வெட்டி எடுக்க வேண்டியிருக்கும். இந்த கவசம் வெறும் 0.1 மில்லிமீட்டர் தடிமன் மட்டுமே இருக்கும் என்றாலும், இதன் மொத்த எடை சுமார் 100 குவாட்ரில்லியன் கிலோகிராம் (100 quadrillion kg) ஆக இருக்கும். இருப்பினும், சூரிய ஒளியை முற்றிலுமாகத் தடுப்பது பூமியைக் கடுமையாகக் குளிர வைக்கும். இந்தப் பிரச்சனைக்குத் தீர்வாக ஒரு செயற்கைச் சூரியனை உருவாக்க அவர் பரிந்துரைக்கிறார். இதற்கான எரிபொருளை வியாழன் (Jupiter) கிரகத்தின் வளிமண்டலத்திற்குள் 6,500 கி.மீ ஆழத்தில் இயங்கும் அணுக்கரு இணைவு உலைகள் (Fusion reactors) மூலம் பெறலாம். அங்கிருந்து உற்பத்தி செய்யப்படும் ஆற்றல் வியாழனின் L1 புள்ளிக்கு அனுப்பப்பட்டு, அங்கிருந்து பூமியின் மேற்பரப்பில் பாய்ச்சப்பட்டு வளிமண்டலம் வெப்பமாக்கப்படும். சூரியன் விரிவடைந்து பூமியை முழுங்கும் ஆபத்து இன்னமும் அப்படியே தான் இருக்கும். இதிலிருந்து தப்பிக்க, பூமியை சூரியனிடமிருந்து தூரத்திற்கு நகர்த்த வேண்டும். பூமியின் சுற்றுப்பாதையை 1 AU-விலிருந்து 1.2 AU (Astronomic Unit) வரை நீட்டிக்க ஹாரி பரிந்துரைக்கிறார். இந்த மாற்றத்திற்காக, வியாழனிலிருந்து வெட்டி எடுக்கப்படும் ஆக்ஸிஜனைப் பயன்படுத்தி பூமிக்கு அப்பால் ஒரு துகள்களின் கற்றையை (particle beam) விசைப்பாய்ச்ச வேண்டும். அமேசான் நதியின் வெளியேற்றத்தில் பாதியளவுக்குச் சமமான நிறைக் கொண்ட இந்த விசை, நமது கிரகத்தை மெதுவாகச் சூரியனிடமிருந்து தள்ளி நகர்த்தும். இந்த முறைகள் அனைத்தும் ஒரு அறிவியல் புனைகதைத் திரைப்படத்தைப் போலத் தோன்றுகின்றன, மேலும் இவை எப்போதாவது நிஜமாகுமா என்று நம்புவதும் கடினமாக உள்ளது. வியாழனை எரிபொருளுக்காக தோண்டுவதும், 2 மில்லியன் கி.மீ நீளமுள்ள கார்பன் வடத்தை உருவாக்குவதும் முற்றிலும் அபத்தமாகத் தோன்றும். இருப்பினும், சூரியனின் அழிவுக்கு இன்னும் பல கோடி ஆண்டுகள் இருப்பதால், எதிர்கால அதிநவீன மனித நாகரிகத்தால் இதைச் சாத்தியமாக்க முடியும். எதிர்கால மனிதர்கள் தோண்டி எடுத்துப் பயன்படுத்தும் வகையில், இந்த பரிந்துரைகளை ஒரு 'பிளாக் பாக்சில்' (Black box) சேமித்து வைப்போம்.